المساعد الشخصي الرقمي

مشاهدة النسخة كاملة : ► ◄استشارات صيدلانية و طبية ...تفضل أسال اي سؤال واحنا بالخدمة► ◄



الصفحات : 1 [2] 3 4

البـــغداديـــة
, Fri, 26 Dec 2008 17:32:56 +0100
دكتور من اروح للمذخر اسئل واردلك خبر هنا
لان ماعندي هاي الحبوب بصيدليتي
وتدلل

KiTtY
, Fri, 26 Dec 2008 18:10:40 +0100
هلوو وردة شلونج؟ الحمد لله تسلميلي وردة
هذي الحبوب وين مكانها بالضبط؟....بوجهي قسم جوة عيني بس مو مباشرة يعني اعلى الخد والجديدة طلعت علة اعلى الانف يعني مكان المناظر
!وشكد حجمها تقريبا؟ يعني تقريبا قطرهة ملم واحد او اقل بس مو اكثر واكو ثنين كلش قريبات وحدة من اللخ علة الانف
وشكدصارلها موجودة عندج؟ من زمان يعني من الابتدائية واني عمري هسة 25
الحبوب اللي الها علاقة بالكوليسترول غالبا تصير بالاوتار او اسفل العين.مسوية تحليلlipid profile؟ لا والله يعني اي مختبر يسوي؟
اا تريدين ردي الجواب برسالة خاصة او بالموضوع نفسة وان شاء الله نكدر نساعدج

شكرا جزيلا تسلمين ان شاء الله اسوي التحليل وادز نتائجة هنا



مرحبا kitty
مثل ماكالت ست كريستال
بس حبيت اعرف عمرج..عمري 25 سنة
وهم تحسين وية زيادة الوزن هاي أكو عندج خشونة بالصوت..لا ماكو خشونة صوت
وهم تحسين روحج خاملة هواية وتبردين هواي..اي عندي بس مو جديدة كلش هالحالة
هاي الأمور صارت عندج بالجديد ؟؟؟
طبعا بالأضافة لأسئلة ست كريستال
ومثل ماكالت ست كريستال تحتاجين تحليل دم lipid profile
سويه النا وأبعثي النتائج
بس لازم تصومين قبل مايسحبولج الدم لمدة 12 ساعة
تحياتي وامنياتي بالشفاء
وأن شاء الله بسيطة وهينة
وشكرا جزيلا للشخص اللي حولج على الباب تبعنا
شكرا للجميع

شكرا جزيلا عالرد وان شاء الله اسوي التحليل واجيبة بس سؤال عفية يعني نوع اكلي الة علاقة بالموضوع لو هي السالفة الهة علاقة بالسمن وبس؟ لو من كثرة الحلويات لأن هاي هم حالة جديدة صارت عندي انو كمت اكل حلويات اكثر من قبل ...
ومشكورين كلش كلش عاشت ايدكم

**كريستال**
, Fri, 26 Dec 2008 19:06:50 +0100
هلووو كيتي شلونج؟مااعتقدالحلويات الها علاقة اذا تكولين انه الحالة صارلهافترة طويلة بس للتاكد سوي التحليلlipid profileوهذا تكدرين تسوية باي مختبر او حتى بالمستشفى ومثل ماكال دكتور دي ووكر لازم تصومين 12ساعة قبل التحليل وان شاء الله سلامات وصحة وعافية

daywalker
, Fri, 26 Dec 2008 20:34:54 +0100
هلو KiTtY
شوية سالفة هاي الحبوب من وكت الأبتدائية تخلي السالفة صعبة نفكر بأرتفاع الكولستيرول
وهم عمرج زغير
رغم ذلك سوي التحليل
لان المؤسسة الكندية العالمية لأمراض السمنة وارتفاع كولستيرول الدم
توصي باجراء التحليل بغض النظر عن العمر
أمنياتي بان ماكو شي اصلا
وحتى اذا طلع شي لتخافين
بالنسبة للحلويات صحيح ترفع الكوليسترول وتأدي للسمنة
بس مو بهاي السرعة مثل ماكالت كريستال
يبقى أريد شكد وزنج وشكد محيط الخصر عندج
لأن هاي هم تهمنا
تحياتي

daywalker
, Fri, 26 Dec 2008 20:50:17 +0100
أي والله عفية
شكرا جزيلا

Super Sam
, Sat, 27 Dec 2008 01:21:56 +0100
والله لا طفح جلدي عندي ولا اي شي بس تبرد بحيث مزعجه كلششششششش وبنفس الصورة لعبنه سنو بوردينج صار الم كلششششششش قوي برجلي ومع العلم لا صار بيها لون او طفح

وبردت كلش بحيث ثنينهم يبردون مو وحدة واشتريت اكو فد شي بلاستك تكرمون ينحط بالرجل وينلبس بالحذاء ويحافظ على حرارة الرجل تقريبا 4 ساعات او 5 يلا راح البرد منها

بس البرودة بالرجل حتى لو جان الجو شوية بارد بالبيت هيه تجمد

زين اذا قله وصول الدم الها اكو علاج او اي شي \؟؟

KiTtY
, Sat, 27 Dec 2008 11:50:44 +0100
شكرا دكتورة كريستال .. ان شاء الله اسوي التحليل بأقرب وكت (راح ادوخكم شوية لأن اني وهواسية صايرة ..!)

هلو kitty
شوية سالفة هاي الحبوب من وكت الأبتدائية تخلي السالفة صعبة نفكر بأرتفاع الكولستيرول
وهم عمرج زغير...بالمناسبة اني مجنت سمينة ابد بذاك الوكت بس من يزيد وزني احس الحبوب تزيد وحجمهة يكبر ,, فربطت
رغم ذلك سوي التحليل
لان المؤسسة الكندية العالمية لأمراض السمنة وارتفاع كولستيرول الدم
توصي باجراء التحليل بغض النظر عن العمر
أمنياتي بان ماكو شي اصلا
وحتى اذا طلع شي لتخافين
بالنسبة للحلويات صحيح ترفع الكوليسترول وتأدي للسمنة
بس مو بهاي السرعة مثل ماكالت كريستال
يبقى أريد شكد وزنج .....حاليا 73 كغم
وشكد محيط الخصر عندج ....تقريبا 88 سم
لأن هاي هم تهمنا
تحياتي

شكرا جزيلا
وتسلمون عالرد ...
ولو اتدخل بس علة شغلة برد الرجل اني سامعة انو اذا واحد اطرافة تبرد هواية (واني عندي هالحالة مو بس رجلي كف ايدي هم) يكولون لازم واحد يلعب رياضة حتة تتوسع الشعيرات القريبة من الاطراف ويوصللهة دم اكثر ... وبعد انتوا ادرة ...
شكرا مرة لخ

daywalker
, Sat, 27 Dec 2008 18:23:43 +0100
والله لا طفح جلدي عندي ولا اي شي بس تبرد بحيث مزعجه كلششششششش وبنفس الصورة لعبنه سنو بوردينج صار الم كلششششششش قوي برجلي ومع العلم لا صار بيها لون او طفح

وبردت كلش بحيث ثنينهم يبردون مو وحدة واشتريت اكو فد شي بلاستك تكرمون ينحط بالرجل وينلبس بالحذاء ويحافظ على حرارة الرجل تقريبا 4 ساعات او 5 يلا راح البرد منها

بس البرودة بالرجل حتى لو جان الجو شوية بارد بالبيت هيه تجمد

زين اذا قله وصول الدم الها اكو علاج او اي شي \؟؟


والله ماكو شي لتخاف
بس الافضل يفحص رجليك وايديك طبيب
بس ارجع وأكول ماكو شي
تحياتي

daywalker
, Sat, 27 Dec 2008 18:27:45 +0100
شكرا دكتورة كريستال .. ان شاء الله اسوي التحليل بأقرب وكت (راح ادوخكم شوية لأن اني وهواسية صايرة ..!)

يبقى أريد شكد وزنج .....حاليا 73 كغم
وشكد محيط الخصر عندج ....تقريبا 88 سم

شكرا جزيلا
وتسلمون عالرد ...



يابة يرادلج تسوين التحليل
لان عندج محيط الخصر شوية فوق المسموح كذلك وزنج
طبعا احنا نربط هاي الأمور بالسمنة وارتفاع الكوليسترول
من تسوين التحليل قيسي الضغط وياج
ومن تجيبين النتائج نتفاهم وراهة شنسوي على اساس النتائج
وعموما كلشي أله حل
لتخافين ابد و تحياتي

KiTtY
, Sat, 27 Dec 2008 23:59:29 +0100
يابة يرادلج تسوين التحليل
لان عندج محيط الخصر شوية فوق المسموح كذلك وزنج
طبعا احنا نربط هاي الأمور بالسمنة وارتفاع الكوليسترول
من تسوين التحليل قيسي الضغط وياج
ومن تجيبين النتائج نتفاهم وراهة شنسوي على اساس النتائج
وعموما كلشي أله حل
لتخافين ابد و تحياتي
ان شاء الله ...
لا لتخاف دكتور اني مخايفة من هاي الحالة بس اني خايفة من اشياء لخ نتيجة السمن والي هو صار بسرعة يعني تقريبا كل سنة دا اصعد 5 كيلوات اذا مو اكثر من يوم الي خلصت بكلوريوس ... وشكرا مرة لخ ...

daywalker
, Sun, 28 Dec 2008 12:37:14 +0100
ماشي ست KiTtY
كملي التحاليل

™♣Mais♣
, Sun, 28 Dec 2008 17:55:47 +0100
اني صيدلانية ممكن اساعدكم بالشي الاعرفه؟؟؟؟

البـــغداديـــة
, Sun, 28 Dec 2008 18:06:05 +0100
والله ياريت ليش لا
اي شخص عنده معلومه لايبخل علينه بيها
ومشكورين مقدما

™♣Mais♣
, Sun, 28 Dec 2008 18:07:56 +0100
تدللون...........

البـــغداديـــة
, Sun, 28 Dec 2008 18:18:42 +0100
شكرا *_*

Super Sam
, Mon, 29 Dec 2008 01:08:23 +0100
مشكووووووووووووووور بارك الله بيكم ذهب

daywalker
, Mon, 29 Dec 2008 10:11:34 +0100
يابة تدلل اشبع برد احسنلك
أحسن من دفوا الصوبة
ههههههههههههههه
تحياتي

daywalker
, Mon, 29 Dec 2008 10:13:31 +0100
كل الهلا بيج ثمرة

IraQ SaiLoR
, Thu, 01 Jan 2009 11:04:21 +0100
هلو اختي شلونج ياعزيزه
شخبارج كل عام وانتي بألف خير
يارب عمرج اللف سنه ماعدا الي راحن
بهل مناسبه كرسمس

عندي سؤال عن الحبوب قريتها على جام خانه مال صيدليه وهي
1.losanet
2.losanet-h

مكتوب يحمي الكلى والدماغ والقلب ويعدل الأداء الجنسي
شنو هاي الحبوب؟؟؟
مع جزيل الشكل

miss twilight
, Thu, 01 Jan 2009 15:11:31 +0100
والله موضوع حلو واهميته بعد احلى مشكورين

daywalker
, Thu, 01 Jan 2009 17:04:14 +0100
والله موضوع حلو واهميته بعد احلى مشكورين


Thanks Alot
منور

البـــغداديـــة
, Fri, 02 Jan 2009 17:10:23 +0100
كل عام وانت بالف خير عراقي الورد
ان شاللله سنة 2009 تكون سنة خير عالجميع
بالنسبة للدوا الكلت عنه بصراحه مسامعه باسمه فداادور عنه بالكوكال ملكيت شي
بس انه منشأه لبنااني او امتياز
اذا تكدر تجيبلي الاسم العلمي لمكوناته حتى اكدر انطيك معلومات عنه
او ادخل عالصيدلية اللي معلكة الاعلان واستفسر عنه
ومن اروح للمذخر هم استفسر عنه واشوف
*_*

البـــغداديـــة
, Sat, 03 Jan 2009 14:35:18 +0100
بارك الله بيكم دكاترتنه الشطار
مدتقصرون ابد
ويدللون كل المسترية

daywalker
, Sat, 03 Jan 2009 19:11:23 +0100
بارك الله بيكم دكاترتنه الشطار
مدتقصرون ابد
ويدللون كل المسترية


:f_catgirl06m_ab4932 :004: :f_catgirl06m_ab4932

bakir
, Mon, 12 Jan 2009 08:26:45 +0100
عندي سؤال عن الحبوب قريتها على جام خانه مال صيدليه وهي




1.losanet
2.losanet-h


مكتوب يحمي الكلى والدماغ والقلب ويعدل الأداء الجنسي
شنو هاي الحبوب؟؟؟


مع جزيل الشكل



أخوية الوردة هاذا الدوة مال ضغط وأسمة هاذا التجاري
أذا ما بيك ضغط لا تاخذة لان يصير بيك أنخفاض حاد بالضغط وصحيح يمنع العجز القلبي والكلوي ومسامع الة تأثير على الاداء الجنسي
وترة ممنوع للحوامل ومينخذ ويا اي شي بي بوتاسيوم كفيتامينات او موز


عزيزتي


هاذا ترة
angiotensin 2 antagonist

البـــغداديـــة
, Mon, 12 Jan 2009 20:02:23 +0100
عزيزتي


هاذا ترة
angiotensin 2 antagonist

عاشت ايدك ورده عالتوضيح
واهلا بيك ورده
نورت

MatrixShadow_AliraQi
, Fri, 16 Jan 2009 21:24:04 +0100
هاي شلونكم ..
شكو ماكو ...
عندي فد سؤال ...
اني عمري 19 سنة
عندي حديثا مشكلة بديت اواجهها انه شعري كام يوكع
كلهم يكلولي من ورة الجيل واني هم اتوقع هذا الشي
المهم اني قللت من وضع الجيل ... بس مدا اتحمل شعري يبقة مخربط ...
فشنو الحل انه احافظ علة شعري وبنفس اوكت استعمل جيل
اكو فد مقوي للشعر او اكو جيل طبي ؟؟

شكرا

البـــغداديـــة
, Sun, 18 Jan 2009 17:05:31 +0100
هاي شلونكم ..
شكو ماكو ...
عندي فد سؤال ...
اني عمري 19 سنة
عندي حديثا مشكلة بديت اواجهها انه شعري كام يوكع
كلهم يكلولي من ورة الجيل واني هم اتوقع هذا الشي
المهم اني قللت من وضع الجيل ... بس مدا اتحمل شعري يبقة مخربط ...
فشنو الحل انه احافظ علة شعري وبنفس اوكت استعمل جيل
اكو فد مقوي للشعر او اكو جيل طبي ؟؟


هلا بيك ماتريكس بالمنتدى الطبي
افضل حل لتساقط الشعر هو زيت الخروع اما لوحده او وياه زيت الزيتون
هواي مناشئ من الزيوت متوفرة بالصيدليات
زيت زيتون فاتيكا او زيت الخروع
او فازلين لوشن للشعر ( Intensive care )فد شي حلو وتكدر تبقي بالشعر ينطي فد لمعه حلوة وبنفس الوقت هو مقوي للشعر ومنعش لفروة الرأس
تحياتي الك
نورت

sκч
, Mon, 19 Jan 2009 21:13:17 +0100
مرحبن جميعا شلونكم ؟

ممكن استوفسار

اني ناوية اسوي عملية ليزك قريبا لعيني .. فردت أعرف شنو الآثار الجانبية للعملية ونسبتها شكد ؟

وشنو الفرق بين الـ ليزر وليزك وانترا ليزك ؟

وشنو آخر تقنية وصلولها بهذا المجال ؟

واذا احد يعرف حدود الأسعار

ووشووووكرن مقدما

تحياتي

daywalker
, Tue, 20 Jan 2009 01:53:03 +0100
هلوووو ست şкч
جوابا على سؤالج أحب أنطيج لنك لمشاركة لست كريستال
تتحدث عن الموضوع بالتفصيل ( مع الشكر الجزيل للدكتورة كريستال )

http://mriraq.com/vb/showthread.php?t=240516

بالنسبة للتكاليف بين 800,000 وال 1,500,000 دينار
تحياتي

daywalker
, Wed, 21 Jan 2009 01:37:23 +0100
هلللوووو
شاخبار ال Nicorandil
تحياتي

dr.ToOToO
, Fri, 23 Jan 2009 01:48:01 +0100
مرحبن جميعا شلونكم ؟



ممكن استوفسار


اني ناوية اسوي عملية ليزك قريبا لعيني .. فردت أعرف شنو الآثار الجانبية للعملية ونسبتها شكد ؟


وشنو الفرق بين الـ ليزر وليزك وانترا ليزك ؟


وشنو آخر تقنية وصلولها بهذا المجال ؟


واذا احد يعرف حدود الأسعار


ووشووووكرن مقدما


تحياتي




هلو ورده

أول شي أني اشجعج تسويهه
لأن العمليه جداً امينه
وتستمر نتائجها تقريبا مدى العمر

ما بيهه اثار جانبيه تذكر
الشي الوحيد هو جفاف العين
وهذا يعالج بواسطة قطره ينطيجياها الطبيب بعد خروجج من العمليه
تبقين تستعمليهه لمدة كم شهر

الليزك هي أدق من الليزر وآثارهه الجانبيه أقل
الليزر مدة الشفاء بيه اتكون أطول
يعني تحتاجين الى شهر تقريبا
بعيد عن الضوء
اما الليزك فتكون خلال أسبوع
وطبعا الأنترا هي الأدق بينهم
وهاي تنطيج نتائج دقيقه وتوصلج الى سته على سته
وعالعموم
مو أنتي اللي راح تحددين نوع العمليه
وانما
الفحوصات والصور الملونه اللي تنأخذ لشبكية العين
هي اللي راح اتحدد نوع العمليه الأنسب

وبالنسبه للسعر
يتراوح بين ال2000 وال2500 دولار حسب علمي

وطبعا حسب البلد والدكتور اللي راح تسوين عنده

وانشالله تكومين بالسلامه ورده

البـــغداديـــة
, Fri, 23 Jan 2009 17:56:21 +0100
سؤال
أذا عدكم علم حبوب النيكورانديل موجودة بمكان ببغداد
nicorandil tabs 20mg or 40 mg
وأكون ممنون أذا حصلت رد
تقبلوا تحياتي



جاري البحث والسؤال
مناسيك دكتور
وتدلل

حجي ديزل
, Sat, 24 Jan 2009 21:48:20 +0100
شلونكم دكاتره ..

بس اني عندي سؤال عن العين

اشو اني من اغمض عيني ما اشوف ؟

ليش يا ريت تلكولي الحل

Ƨ.ЯΛmӨƧ
, Sat, 24 Jan 2009 21:58:39 +0100
شلونكم دكاتره ..

بس اني عندي سؤال عن العين

اشو اني من اغمض عيني ما اشوف ؟

ليش يا ريت تلكولي الحل



استغفر الله

**كريستال**
, Sun, 25 Jan 2009 20:20:42 +0100
هلوووووووو سكاي الوردة
اني مسوية عملية الليزك قبل سنة تقريباواشعجج تسويها.ومثل ماكال د.توتو المشكلة الوحيدة اللي صارت عندي هي الجفاف بس انطوني قطرةnatural tearsداستعملها دائما.اني سويتها بالنجف والسعروية الفحص875الف.وحاليا اكو بالمستشفيات الحكومية ارخص بهواي
ان شاء الله تسويها وتكومين بالسلامة

**كريستال**
, Sun, 25 Jan 2009 20:42:42 +0100
هلوووو ست şкч

جوابا على سؤالج أحب أنطيج لنك لمشاركة لست كريستال
تتحدث عن الموضوع بالتفصيل ( مع الشكر الجزيل للدكتورة كريستال )


http://mriraq.com/vb/showthread.php?t=240516


بالنسبة للتكاليف بين 800,000 وال 1,500,000 دينار

تحياتي

تسلم دكتور على مشاركاتك وردودك المميزة على الدوام

Hayder SH
, Mon, 26 Jan 2009 10:24:07 +0100
خوش موضوع و كلش مفيد

بس اريد اسأل سؤال
قبل تقريبا 20 يوم انكسر مفصل الكاحل عندي و سويت عملية حطولي برغي مدري بسمار برجلي كلولي اشرب حليب هواية اني هم دا اشرب حليب بس سؤالي هو اكدر اشرب جاي ؟
اكو ناس يكولون الجاي يمتص الكالسيوم مالحليب من الجسم صدك هالحجي لو لا ؟

**كريستال**
, Mon, 26 Jan 2009 20:42:38 +0100
الشاي يحوي موادالكافيين والثيوفلين والتانين.هاي المواد تقلل امتصاص الايونات الموجبة مثل الحديد.بالنسبة للكالسيوم الشاي يقلل الامتصاص الكالسيوم نظريا لكن عمليافان نسبة التقليل بالامتصاص غير كبيرة
فتكدر تشرب شاي ورا الحليب بساعة ومو كميات كبيرة
وماعندك الا العافية

sκч
, Mon, 26 Jan 2009 20:46:41 +0100
شوووووووكرن عيوووووني لأجوبتكم دكاترتنا الحلوين

daywalker
, Mon, 26 Jan 2009 20:52:19 +0100
خوش موضوع و كلش مفيد

بس اريد اسأل سؤال
قبل تقريبا 20 يوم انكسر مفصل الكاحل عندي و سويت عملية حطولي برغي مدري بسمار برجلي كلولي اشرب حليب هواية اني هم دا اشرب حليب بس سؤالي هو اكدر اشرب جاي ؟
اكو ناس يكولون الجاي يمتص الكالسيوم مالحليب من الجسم صدك هالحجي لو لا ؟




مشافى أن شاء الله مقدما
( طبعاحطولك برغي مو بسمار)
هذا الحجي صحيح فيما يخص الشاي
تحياتي وتمنياتي بالشفاء

دكتورة نور
, Fri, 13 Feb 2009 22:04:37 +0100
حلوة الفكرة وانشاء اللة تتوفقون بهالخطوة الحلوة ويارب يحفظ العراقيين ويشافي كل مريض

daywalker
, Sat, 14 Feb 2009 15:05:55 +0100
الظاهر هالايام صفنة ماكو شغل
مادري أكو عيادة بغير مكان بالمنتدى
يمكن؟؟؟؟

البـــغداديـــة
, Sun, 15 Feb 2009 18:35:51 +0100
لا ماكو عيادة بس هنا
الله ينطي الصحه لكل المسترية

daywalker
, Sun, 15 Feb 2009 19:56:41 +0100
لا ماكو عيادة بس هنا
الله ينطي الصحه لكل المسترية



هههههههههههه
لا مو هيجي بس لازم نسوي دعاية بغير مكانات
والله لو تسويلنا اعلان Miss Pharmacist
هذا واجب المشرفين طبعا
ومشكورة جهودج مقدما

البـــغداديـــة
, Sun, 15 Feb 2009 22:59:07 +0100
ميخالف سهله ان شالله
اكتب اعلان منو عنده مريض خلي يجي هنا مو هههههههههه

daywalker
, Mon, 16 Feb 2009 09:04:27 +0100
ميخالف سهله ان شالله
اكتب اعلان منو عنده مريض خلي يجي هنا مو هههههههههه


أي والله مشكورة مقدما

مستر عبدالله
, Tue, 17 Feb 2009 18:35:39 +0100
شكرا عيوني والله مقترح جميل

daywalker
, Wed, 18 Feb 2009 11:47:27 +0100
شكرا عيوني والله مقترح جميل


اهلا وسهلا بيك ياورد

miss twilight
, Wed, 18 Feb 2009 16:00:58 +0100
السلام عليكم ............اشلونكم ..........راح اكسر الملل شتريدون بعد.........
عندي سؤال قبل 3 اشهر صار عندي حساسيه بلجلد طلعلي حبوب رحت للطبيب كتبلي علاج خبط يعني خبطولي مواد وكالي هذي من حاله نفسيه طلعت هاي الحبوب المهم استخدمت هاي الماده ويها صابوبه وهسه راحت هذي الحساسيه بس المشكله بقى اثر هذا الحب وهسه كلش مضوجني وخاصه بلرقبه والايدين والظهر اريد حل واكون ممنونه

daywalker
, Wed, 18 Feb 2009 16:23:44 +0100
السلام عليكم ............اشلونكم ..........راح اكسر الملل شتريدون بعد.........
عندي سؤال قبل 3 اشهر صار عندي حساسيه بلجلد طلعلي حبوب رحت للطبيب كتبلي علاج خبط يعني خبطولي مواد وكالي هذي من حاله نفسيه طلعت هاي الحبوب المهم استخدمت هاي الماده ويها صابوبه وهسه راحت هذي الحساسيه بس المشكله بقى اثر هذا الحب وهسه كلش مضوجني وخاصه بلرقبه والايدين والظهر اريد حل واكون ممنونه


أختنا العزيزة اهلا بيج بالنسبة للسؤال اللي طرحتيه
جوابا عليه أحب أكولج الحالة اللي صارت عندج سابقا
مهما كان سببها فأنها ادت الى مايسمى أزدياد فرط الاصطباغ ( زيادة التلون )
الذي يحصل بعد اية عملية ألتهابية في الجلد
postinflammatory hyperpigmantation
وكلما كان الالتهاب الأولي أشد أو لمدة أطول كلما تاخر في الاختفاء
وطبعا المسبب يؤثر ايضا لإن ان كان حساسية جلدية فقط فعادة لايأخذ فترة طويلة
علما أنه قد يستمر هذا التلون لفترة قد تطول للسنتين ومن ثم يتلاشى وكما قلت اعلاه.

وعموما فان هنالك دواء الهيدروكينون على شكل كريم مرتان يوميا يوضع فقط في المناطق
الملونة بلون أقتم من لون الجلد الاصلي مع مراعاة عدم التعرض للشمس
ويفضل استخدام الكريم الاصلي ( مو السوري ) اخذي الامريكي وأكو انكليزي
بعد ان تغسل المنطقة وتجفف يوضع الكريم فقط على المناطق القاتمة
تمنياتي بالشفاء العاجل
ملاحظة في حالة وجود لون أفتح من لون الجلد الاصلي فيفضل مراجعة طبيب جلدية
لان الحالة هنا تعالج بالمشاهدة المباشرة للجلد.

daywalker
, Wed, 18 Feb 2009 16:52:36 +0100
شكرا Miss pharmacist على الاعلان لباب طبيب اون لاين
كل الشكر

miss twilight
, Thu, 19 Feb 2009 14:00:47 +0100
شكرا دكتورنا العزيز
بس عفيه لاتكول يطول سنتين راح اجرب العلاج اللي كلت عليه
ملاحظة في حالة وجود لون أفتح من لون الجلد الاصلي فيفضل مراجعة طبيب جلدية
لان الحالة هنا تعالج بالمشاهدة المباشرة للجلد
لا ما عندي هيج شي
شكرا مره ثانيه

البـــغداديـــة
, Thu, 19 Feb 2009 18:26:23 +0100
شكرا Miss pharmacist على الاعلان لباب طبيب اون لاين
كل الشكر



تدلل دكتور

black night
, Thu, 19 Feb 2009 19:40:13 +0100
السلام عليكمMiss pharmacist عندي سؤال
تمزق الاربطه مال الركبه شنو دوى واني خاله هسه باندج الكامل +فولتارين
بس ماكو فائده ما اكدر اثني رجلي او اي حركه موفاجئه

daywalker
, Thu, 19 Feb 2009 23:29:35 +0100
السلام عليكمmiss pharmacist عندي سؤال
تمزق الاربطه مال الركبه شنو دوى واني خاله هسه باندج الكامل +فولتارين
بس ماكو فائده ما اكدر اثني رجلي او اي حركه موفاجئه




أولا سلامات ياورد
ثانيا القاعدة الذهبية في حالة تمزق الاربطة للمفاصل الفعالة
مثلا مفصل الكتف او الركبة - بمثل حالتك - هية الراحة للمفصل لمدة عشرة ايام
يعني متحرك المفصل هسة لحد ماتطيب الاربطة الممزقة
لأن الحركة هالايام تزيد الالم وتأخر شفاء الاربطة
يعني سالفة أنوا تثنيها هم بطلها هسة لهاي السالفة
ومن ثم بعد 10 - 14 يوم حركة بسيطة عالمفصل تدريجيا
يفضل تستخدم عكاز اذا التمزق شديد جدا
طبعا هاي الامور اصلا حددها طبيبك المعالج
هاي في حالة تمزق الاربطة خارج المفصل
اما في حالة تمزق الاربطة داخل مفصل الركبة فعلاجها يختلف
وطبع هاي الأمور حددها طبيبك المعالج.
الباندج يفيدك لأنوا يخفف الألم ويقلل الحركة
وأكو فولتارين سبري كلش فيكة يفيدك في موضع الالم.
تمنياتي بالشفاء العاجل
وحبي اي استفسار ثاني حاضرين وتدلل

daywalker
, Thu, 19 Feb 2009 23:32:33 +0100
شكرا دكتورنا العزيز
بس عفيه لاتكول يطول سنتين راح اجرب العلاج اللي كلت عليه
لا ما عندي هيج شي
شكرا مره ثانيه


يمعودة لتخافين خليها ورة رب العالمين وان شاء الله الشفاء الكامل

black night
, Fri, 20 Feb 2009 22:07:16 +0100
شكر على الرد Miss pharmacist
تسلمين

daywalker
, Fri, 20 Feb 2009 23:51:27 +0100
شكر على الرد Miss pharmacist
تسلمين


ولو اني Daywalker اللي جاوبت بس ماكو فرق المهم انت تستفاد
هوة هذا المهم واني هم أرجع وأكول مثلك
شكرا MISS Pharmacist و ست كريستال على هذا الباب الرائع

انوسة
, Sat, 21 Feb 2009 19:40:26 +0100
السلام عليكم...اذا ممكن جواب على سؤالي...اني داعاني من انتفاخ المعدة وكلش متأذاية من هاي الشغلة اي شي اكل تنتفخ معدتي...واكو بفمي فد طعم مرة كلش دائما...وكلشي استمعلت معجون اسنان وغرغرات ومعقم وميفيد...ياريت الاكي حل وشكرااا

daywalker
, Sun, 22 Feb 2009 19:08:03 +0100
السلام عليكم...اذا ممكن جواب على سؤالي...اني داعاني من انتفاخ المعدة وكلش متأذاية من هاي الشغلة اي شي اكل تنتفخ معدتي...واكو بفمي فد طعم مرة كلش دائما...وكلشي استمعلت معجون اسنان وغرغرات ومعقم وميفيد...ياريت الاكي حل وشكرااا


هلو انوسة:أن شاء الله ماكو غير العافية مقدما.
عندي اسئلة تجاوبيها
عمرج لطفا؟تقريبي 20-30-40؟ موظفة؟طالبة؟ربة بيت؟ (فد شي تقريبي)؟
شكم من الوقت صارلج عالحالة؟
مستمرة ؟لو تجي وتروح؟ومن تجي شكد تطول؟
شكد يطول الأنتفاخ؟ونومج بالليل شلونة؟
اكو اوجاع بالبطن لو بس انتفاخ؟
الشهية للاكل شلونها؟
أكو زيادة بالوزن جديدة؟أو نقصان بالوزن؟لو ماكو شي؟
أكو مشاكل بالعمل؟مشاكل اخرى؟ضغوطات نفسية؟
أكو أسهال؟دموي لو لا؟تقيؤ؟وعند التقيؤ ترتاحين لو لا؟
عندج فقر دم؟اي مشاكل نسائية؟
اية عمليات جراحية سابقا؟
عندج أمراض مزمنة؟اي ادوية تستعمليها بصورة مستمرة؟لهاي الحالة أو لغيرها؟
وشنو الأدوية اللي جربتيها ومفادتج؟وشكم من الوقت استخدمتيها؟
واستخدمتيها بأنتظام لو لا؟
ارجو الأجابة على الأسئلة.

CuteAngEl90
, Mon, 23 Feb 2009 11:57:00 +0100
اول شئ يسلموووووووو علموضوع وعاشت ايد الدكاترة علمجهود الحلو
ويارب الكل يستفاد من الموضوع
عندي سؤال بسيط وا ن شاءاالله الكه الجواب عدكم

سؤالي الشاي الاخضر green tea هل يسبب زيادة في دقات القلب tachycardia ؟؟؟؟؟؟؟؟؟؟

تحياتي

daywalker
, Mon, 23 Feb 2009 15:09:33 +0100
اول شئ يسلموووووووو علموضوع وعاشت ايد الدكاترة علمجهود الحلو
ويارب الكل يستفاد من الموضوع
عندي سؤال بسيط وا ن شاءاالله الكه الجواب عدكم

سؤالي الشاي الاخضر green tea هل يسبب زيادة في دقات القلب tachycardia ؟؟؟؟؟؟؟؟؟؟

تحياتي



العفو ست
الشاي الأخضر يسوي تسارع لأحتوائه على مواد تشابه الثيوفللين
والتي تؤدي للتسارع

CuteAngEl90
, Mon, 23 Feb 2009 20:02:50 +0100
العفو ست
الشاي الأخضر يسوي تسارع لأحتوائه على مواد تشابه الثيوفللين
والتي تؤدي للتسارع



ثانكس daywalker على الاجابة بس ممكن اعرف تاثيره مشابه لتأثير black tea او اقل

يسلمو مرة ثانية

daywalker
, Tue, 24 Feb 2009 16:37:15 +0100
جوابا على سؤال الأخت اذا اردت اجراء مقارنة بين انواع الشاي
الشاي الاسود ويحوي على 1 ملغم ثيوفللين في قدح الشاي (50 سي سي)
أما الشاي الابيض والأخضر فيقال أن كميات الثيوفللين فيها شبه معدومة
وطبعا الكافيين موجود اعلى شي في الشاي الاسود يليه الاخضر واقلها الشاي الابيض
ولقد ذكرت لك ان الشاي الاخضر يؤدي للتسارع
لأن الأمر مرهون بكمية الشاي الذي يتناوله الشخص
علما أن كلا الكافيين والثيوفللين يؤدي للتسارع

S t o r M
, Tue, 24 Feb 2009 17:16:09 +0100
هلو دكاترتنه شلونكم ؟ ان شاء الله بخير
عندي استفسار بسيط عالماشي , مرات تصير اضافيري بنفسجيه مدري زرك يعني مو ورديه مثل ما هي بالحالات الطبيعيه, وتصير عندي هاي الحاله تقريبا مره باليوم مو طول الوقت
ومن اكعد من النوم ماكدر اكوم بشكل مباشر لازم اكعد شويه شويه فد ربع ساعه انتجي عالحايط يله, اني ان شاء الله افحص دم وكل شي الاسبوع الجاي بس حبيت استفسر
والله كريم

البـــغداديـــة
, Tue, 24 Feb 2009 17:41:22 +0100
بالنسبة لـ nicorandil tabs 20mg or 40 mg حاليا ماكو
بس قبل مدة جان متوفر بمذاخر الحارثية

daywalker
, Tue, 24 Feb 2009 20:01:49 +0100
هلو دكاترتنه شلونكم ؟ ان شاء الله بخير
عندي استفسار بسيط عالماشي , مرات تصير اضافيري بنفسجيه مدري زرك يعني مو ورديه مثل ما هي بالحالات الطبيعيه, وتصير عندي هاي الحاله تقريبا مره باليوم مو طول الوقت
ومن اكعد من النوم ماكدر اكوم بشكل مباشر لازم اكعد شويه شويه فد ربع ساعه انتجي عالحايط يله, اني ان شاء الله افحص دم وكل شي الاسبوع الجاي بس حبيت استفسر
والله كريم


هلو مستر
طبعا حالتك يرادلها توضيح اكثر وعموما
أذا نربط اللي وصفته فقط فتحتاج للتحاليل التالية
ANA
ADS Ab
Complete Blood Picture+ESR
Liver Function Test
Rheumatoid factor-RF
أذا تحب تناقش حالتك بتفاصيل اكثر ممكن برسالة خاصة لأحد الأطباء بالباب
أو افضل نشوف التحاليل اللي سويتها
ولو افضل تسوي هاي التحاليل وياهة
وهية حالتك تتراوح بين ماكو شي وتصل الى حالات مايسمى
ألتهاب الانسجة الظامة المختلط ( ولو صعبة نفكر بيها كونك ذكر مو أنثى )
هاي الأمور يتم تحليلها وتشخيصها عن طريق تاريخك المرضي
وعن طريق اجراء بعض التحاليل
مقدما مشافى أن شاء الله
وننتظر نتائج تحاليلك ان امكن تبعثها
حتى لو برسالة خاصة أو عالياهو مسنجر نتناقش
تقبل تحياتي اخي المريض

daywalker
, Tue, 24 Feb 2009 20:03:36 +0100
بالنسبة لـ nicorandil tabs 20mg or 40 mg حاليا ماكو
بس قبل مدة جان متوفر بمذاخر الحارثية


مليون شكر مقصرت وبارك الله بيج
واذا من يجي وتنطينا خبر
أو متوفر بصيدلية Private
أكون ممنون
علمود نحول المرضى ألهم
تقبلي تحياتي

البـــغداديـــة
, Tue, 24 Feb 2009 21:16:44 +0100
صار دكتور وتدلل

S t o r M
, Tue, 24 Feb 2009 23:31:55 +0100
هلو مستر

طبعا حالتك يرادلها توضيح اكثر وعموما
أذا نربط اللي وصفته فقط فتحتاج للتحاليل التالية
ANA
ADS Ab
Complete Blood Picture+ESR
Liver Function Test
Rheumatoid factor-RF
أذا تحب تناقش حالتك بتفاصيل اكثر ممكن برسالة خاصة لأحد الأطباء بالباب
أو افضل نشوف التحاليل اللي سويتها
ولو افضل تسوي هاي التحاليل وياهة
وهية حالتك تتراوح بين ماكو شي وتصل الى حالات مايسمى
ألتهاب الانسجة الظامة المختلط ( ولو صعبة نفكر بيها كونك ذكر مو أنثى )
هاي الأمور يتم تحليلها وتشخيصها عن طريق تاريخك المرضي
وعن طريق اجراء بعض التحاليل
مقدما مشافى أن شاء الله
وننتظر نتائج تحاليلك ان امكن تبعثها
حتى لو برسالة خاصة أو عالياهو مسنجر نتناقش

تقبل تحياتي اخي المريض



شكرا دكتور على ردك ووقتك
بس هاي صارت تحاليل تخوف خرعتني على الكبد مالي ههههههههه تسلم دكتور
بس اني الاعراض اللي عندي الكل ديحجي عليه ويكولي سوي تحاليل مثلا اني عندي صداع طول الوقت ودايخ ومرات تصير عندي حاله غثيان بس هذا الاسبوع يعني زايده بشكل بحيث نزلت كيلوين وافقد توازني من امشي
اني رياضي وماعندي حالات مرضيه سابقه
بس الكل ديكولي ضغط ونص كورستيرول مع انه اني ما اكل دهون اصلا بس اخذ بروتين
عموما اني طبعا من اسوي تحاليل حروح لطبيب بس ماريد اتفاجئ بس على الاقل افهم شي قبل ماروح
تسلم دكتور daywalker مره ثانيه وحياك الله

daywalker
, Fri, 27 Feb 2009 00:07:45 +0100
عمي انت مو تخترع
مو هيجي دسوي التحاليل ونشوفها منو يكول عندك لو بيك شي
بسيطة انشاء الله

Acheles
, Tue, 03 Mar 2009 16:45:19 +0100
مرحبا

حبيت اسألكم على كبسول اسمة Superslim
كبسول صيني المنتج
وهو يستعمل للتنحيف
شنو رأيكم بهذا الدواء


صراحة اخذت منة كبسولة
وصارت عندي عوارض جانبية
وهي فقدان الاتزان لبعض الوقت وخمول بسيط

هل هذه الاعراض

عادية وغير مؤثرة على الصحة

daywalker
, Tue, 03 Mar 2009 20:38:43 +0100
مرحبا

حبيت اسألكم على كبسول اسمة superslim
كبسول صيني المنتج
وهو يستعمل للتنحيف
شنو رأيكم بهذا الدواء


صراحة اخذت منة كبسولة
وصارت عندي عوارض جانبية
وهي فقدان الاتزان لبعض الوقت وخمول بسيط

هل هذه الاعراض

عادية وغير مؤثرة على الصحة



هلو ومرحبا
طبعا أكو بس شغلة بسيطة عالموضوع أنوا هاي الادوية لا توجد لديها
مواصفات عالمية رغم فاعليتها
ودا يتم وصفها بدون رقابة
عموما هاي الأدوية اكثر شي ملاحظيه عليها هو الخمول
وأنخفاض ضغط الدم
عموما ماكو عوارض خطيرة صدرت منها لحد الأن
بس جيك ضغطك يجوز داينزل
وعموما راح انطي خبر لمس فارماسست
لان هية شغلة ادوية
أن شاء الله العوافي

البـــغداديـــة
, Wed, 04 Mar 2009 15:06:34 +0100
هلو sp4rta

بالنسبة لهاي الحبوب تنزل وزنك12 كيلو شهريا مايعادل 3 كيلوات كل اسبوع اذا خففت اكلك وياها بس اذا اعتمدت بس على الكبسول بدون متقلل كمية اكلك فتنزل بحدود 6 كيلوات شهريا



اما مساوءها ومو عند كل الاشخاص تطلع هالاعراض هي فقدان الشهية تماما
تيبس الحلك وزيادة دقات القلب




ملاحظة/
شغلة تيبس الحلك تنحل بزيادة شرب الماء اما الدوخة فتنحل باكل الاغذية الباعثه للطاقه مثل التمر والموز




نصائح للشخص اللي يستخدم هاي الاعشاب
انه قبل ميستخدمها يفحص ضغطه وسكره ويكون خالي من الامراض لان حينتكس ويزيد مرضه




الامراض اللي ميصير الشخص يستخدم بيها هاي الاعشاب
الربو والضغط ( اي اضطرابات غير مستقرة بالضغط ارتفاع او هبوط بالضغط ) وامراض القلب والسكر وامراض الكلى وكذلك ميصير تستخدمها الحامل والمرضع
والصدك اي مرض بيكم لاتستخدمون اي كبسول منحف من اي نوعية كانت لان المريض بحاجه للغذاء مو هالنوبة يكطع الاكل هالنوبة يزيد مرضه اكثر واكثر وتوصل لمرحلة الاغماء




تحياتي

Acheles
, Thu, 05 Mar 2009 14:04:47 +0100
هلو ومرحبا
طبعا أكو بس شغلة بسيطة عالموضوع أنوا هاي الادوية لا توجد لديها
مواصفات عالمية رغم فاعليتها
ودا يتم وصفها بدون رقابة
عموما هاي الأدوية اكثر شي ملاحظيه عليها هو الخمول
وأنخفاض ضغط الدم
عموما ماكو عوارض خطيرة صدرت منها لحد الأن
بس جيك ضغطك يجوز داينزل
وعموما راح انطي خبر لمس فارماسست
لان هية شغلة ادوية
أن شاء الله العوافي








هلو sp4rta

بالنسبة لهاي الحبوب تنزل وزنك12 كيلو شهريا مايعادل 3 كيلوات كل اسبوع اذا خففت اكلك وياها بس اذا اعتمدت بس على الكبسول بدون متقلل كمية اكلك فتنزل بحدود 6 كيلوات شهريا




اما مساوءها ومو عند كل الاشخاص تطلع هالاعراض هي فقدان الشهية تماما
تيبس الحلك وزيادة دقات القلب




ملاحظة/
شغلة تيبس الحلك تنحل بزيادة شرب الماء اما الدوخة فتنحل باكل الاغذية الباعثه للطاقه مثل التمر والموز




نصائح للشخص اللي يستخدم هاي الاعشاب
انه قبل ميستخدمها يفحص ضغطه وسكره ويكون خالي من الامراض لان حينتكس ويزيد مرضه




الامراض اللي ميصير الشخص يستخدم بيها هاي الاعشاب
الربو والضغط ( اي اضطرابات غير مستقرة بالضغط ارتفاع او هبوط بالضغط ) وامراض القلب والسكر وامراض الكلى وكذلك ميصير تستخدمها الحامل والمرضع
والصدك اي مرض بيكم لاتستخدمون اي كبسول منحف من اي نوعية كانت لان المريض بحاجه للغذاء مو هالنوبة يكطع الاكل هالنوبة يزيد مرضه اكثر واكثر وتوصل لمرحلة الاغماء




تحياتي



مشكورين اخواني على نصائحكم


:004:

رواء11
, Thu, 05 Mar 2009 17:00:47 +0100
انا فتاة حامله ماجستير هندسه اعاني من الم في اعصابي لايحتمل اي وجع اعصاب واحيانا اصاب بالارق فياريت تنصحوني وتكتبولي العلاج ولكم جزيل الشكر

رواء11
, Thu, 05 Mar 2009 17:07:43 +0100
[اني اعاني من صداع مستمر ووجع في اعصابي واحيانا ارق علما اني احمل شهاده ماجستير في الهندسه وعمري 30 سنه

daywalker
, Thu, 05 Mar 2009 17:42:14 +0100
[اني اعاني من صداع مستمر ووجع في اعصابي واحيانا ارق علما اني احمل شهاده ماجستير في الهندسه وعمري 30 سنه


هلو رواء مشافاة مقدما
حقيقة وصفج للالم بالأعصاب صعب شوية لان فقط الطبيب يعرف هذا الشي
أخت رواء اذا ممكن تجاوبيني عالاسئلة التالية
شكم من الوقت صار للصداع والم الاعصاب هذا ؟
ويجي ويروح ويزيد لو ينقص لو نفس الشي للمشكلتين ؟
أكو حالات سابقة صايرة عندج
امراض مزمنة ضغط , سكر غيرها اذكريها لطفا ؟
اية أدوية تستعمليها لفترات طويلة
الالم أكثر شي بالليل لو بالنهار ؟ لو ماالة علاقة بالوقت ( طبعا قصدي الصداع والم الأعصاب ) كل على حدة ؟
عندج مشكلة بالمشي ؟ وتكدرين تمشين مسافات طويلة ( عادي بدون متتوقفين من الألم )
دا تلاحظين عندج صعوبة من توكفين من انت كاعدة او من تمشطين شعرج ؟
عندج صعوبة بالبلع ؟
اسئلة تخص الصداع :
1. الصداع أكثر شي بياوقت ؟ وهل يصاحبه غثيان تقيؤ ؟
2. الصداع من 1 - 10 شكم تنطيه
3. الصداع يروح ويجي لو مستمر ؟ وشكم صارله من الوقت من بدى وياج؟
4. هل يوجد مشاكل في الجيوب الانفية , في البصر , في السمع ؟ يرجى الذكر لطفا
5. اية عمليات جراحية سابقة ؟ حوادث ؟ ادوية لفترات طويلة ؟ تذكر لطفا ؟
6. اية مشاكل في العمل , البيت , اخرى حصلت مؤخرا
بالنسبة للارق:
1. شكم صارلة من الوقت
2. كل يوم يصير لو فقط أوقات العطل ومن ماكو دوام
3. تسهرين هواية لو لا؟
4. تشخرين بالنوم لو لا؟
5. هل أنت متزوجة ؟ ومنذ كم من الوقت ؟
6. هل انت تنامين وحدك في السرير أم معك شخص ما؟ ( أقصد مؤخرا ؟ )
بالنهاية بعد هاي الاسئلة اي شي تحبين تضيفيه وتحسين أنوا مهم اذكريه لطفا؟
تمنياتي صحة وعافية ( لتجاوز الأحراج ممكن تبعثي الأجابة في رسالة خاصة )

.::Commodore Dentifrice::.
, Mon, 09 Mar 2009 04:54:07 +0100
مرحبا

حبيت اسألكم على كبسول اسمة Superslim
كبسول صيني المنتج
وهو يستعمل للتنحيف
شنو رأيكم بهذا الدواء


صراحة اخذت منة كبسولة
وصارت عندي عوارض جانبية
وهي فقدان الاتزان لبعض الوقت وخمول بسيط

هل هذه الاعراض

عادية وغير مؤثرة على الصحة







هلووو دكاترة سووري دااتدخل بشغلكم بس هاي الكيس جذبت انتباهي
هاي الحبوب او اكو يسموها الاعشاب الصينية وهيجي استخدموها بالعائلة عدنة
تخفف وزن إي اكيد بس عند الاغلبية ديصير tachycardia و يحسون كلشfaint و يظلون فترة هيجي ورة اسبوع يمكن يتحملوها ويرجعون طبيعي بس دوخة خنقشارية وياها تبقى بين فترة وفترة
فطلعت الشغلة اصلا اي شخص بيه فقر دم او الهيموكلوبين عنده اقل من 12 نفس الاعراض تصير عدهم مو شرط بيه قلب او مابيه و التينشن وهيجي...وتالي متالي ورة ميخلص الدوز هذا مال الدوة شكد مياخذون منه يكوم ميشتغل و بالعائلة 3 استخدموه و تلاثتهم نفس الموفي الهندي صار..فما اعرف ليش يعني صراحة بس هي مجرد ملاحظات عسى ولعل تفيد
واحسن نصيحة بلة هالحبوب واحد يغير نظام حياته احسن شي لان اللي يسمن مرة تبقى القابلية طول العمر
وعاشت ايدكم ممقصرين

.::Commodore Dentifrice::.
, Mon, 09 Mar 2009 05:06:26 +0100
هلوووو دكاترة ممكن فد سؤال هو عدنة بالفارما مرة الدكتور سأله بس مجاوب عليه كال دبرولي ياه وتعالو
انتو اخر امل هنا
السؤال هو : الانفلونزا و النشلة وهالسوالف سببها فايروس مو بكتريا زين بالتريتمنت ليش ننطي
antibiotic instead if antiviral??
اني اعرف انه الانتي فايرال هو قوي وياثر عالكدني و الليفر وممكن يسوي فيلر باثنيناتهم بس هو كال غير سبب مو هذا ....بلييييييييييز فكرولي بالسالفة ؟

daywalker
, Mon, 09 Mar 2009 10:52:58 +0100
هلوووو دكاترة ممكن فد سؤال هو عدنة بالفارما مرة الدكتور سأله بس مجاوب عليه كال دبرولي ياه وتعالو
انتو اخر امل هنا
السؤال هو : الانفلونزا و النشلة وهالسوالف سببها فايروس مو بكتريا زين بالتريتمنت ليش ننطي
antibiotic instead if antiviral??
اني اعرف انه الانتي فايرال هو قوي وياثر عالكدني و الليفر وممكن يسوي فيلر باثنيناتهم بس هو كال غير سبب مو هذا ....بلييييييييييز فكرولي بالسالفة ؟




ردا على سؤال المستراية:-
اولا مموجود انتي فايرل فعال كولش ضد الأنفلونزا ماعدا اكو اثنين أدوية بدوا يستخدموهن ضد الانفلونزا بالجديد
ويعود سبب مقاومة فايروس الانفلونزا الى وجود ظاهرة ال reassembly
ومعناها الفايروس من يصيب خلية فهو يقوم بتكوين ال دي ان اي له عن طريق هذه الخلية
ولكن بترتيب جديد فلا يتمكن الجهاز المناعي من اخذ الوقت الكافي لتمييزه ومن ثم مقاومته
ولهذا لا يوجد لحد الان لقاحات فعالة جدا ضد الفايروس
وعادة يحضر لقاح جديد كل سنة حسب الانواع الجديدة منه والتي تظهر كل سنة للسبب اعلاه
بالنسبة لموضوع الانتي بكتريال فهو ايضا مينطى بالانفلونزا الا اذا صار
ألتهابات بكتيرية ثانوية في الجهاز التنفسي وبس
secondary bacterial infection
لأان الأنفلونزا فايروساتها تحطم الخلايا المبطنة في الجهاز التنفسي وبهذا تقل مناعة الجسم
في الجهاز التنفسي
وهي لا تعطى في كل حالات الانفلونزا لان هناك ظاهرة تسمى
المنافسة البيئية biological competetion
ومعناها يوجد في الجسم بكتريا متعايشة معنا وهي لا تؤذينا عل الاقل ان لم تقدم خدمة لنا
وباستعمالنا المضادات الحيوية سوف نقتل هذه البكتريا
ويزيد عدد الخلايا اللتي لا توجد معها بكتريا متعايشة
ونعطي خلايا جديدة غير متعايشة مع البكتريا والتي تكون
هدفا سهلا للانفلونزا فايروس
لهذا علميا من اكبر الاخطاء الطبية هو صرف ادوية الانتي بكترييل
في حالات الاصابة بألتهابات الجهاز التنفسي الفايروسية
بدون التاكد من صدق الاصابة بما يسمى ال secondary bacterial infection
ان شاء الله استفاديتي

daywalker
, Mon, 09 Mar 2009 10:56:39 +0100
هلووو دكاترة سووري دااتدخل بشغلكم بس هاي الكيس جذبت انتباهي
هاي الحبوب او اكو يسموها الاعشاب الصينية وهيجي استخدموها بالعائلة عدنة
تخفف وزن إي اكيد بس عند الاغلبية ديصير tachycardia و يحسون كلشfaint و يظلون فترة هيجي ورة اسبوع يمكن يتحملوها ويرجعون طبيعي بس دوخة خنقشارية وياها تبقى بين فترة وفترة
فطلعت الشغلة اصلا اي شخص بيه فقر دم او الهيموكلوبين عنده اقل من 12 نفس الاعراض تصير عدهم مو شرط بيه قلب او مابيه و التينشن وهيجي...وتالي متالي ورة ميخلص الدوز هذا مال الدوة شكد مياخذون منه يكوم ميشتغل و بالعائلة 3 استخدموه و تلاثتهم نفس الموفي الهندي صار..فما اعرف ليش يعني صراحة بس هي مجرد ملاحظات عسى ولعل تفيد
واحسن نصيحة بلة هالحبوب واحد يغير نظام حياته احسن شي لان اللي يسمن مرة تبقى القابلية طول العمر
وعاشت ايدكم ممقصرين



هوة اكو هواي أمور تسوي هيجي اعراض
بس لا مااله علاقة فقر الدم لان هوة فقر الدم يسوي هيجي اعراض
والدوة اصلا يسوي هيجي اعراض حتى باللي معدهم فقر دم
شكرا عالتنويه والمشاركة اللطيفة

.::Commodore Dentifrice::.
, Mon, 09 Mar 2009 14:25:08 +0100
أهاا إي صدك شو كلش حجي علمي ومقنع اكيد هو هذا السبب ماكو غيره
اني حفظته و كتبته و هسة اوديه للدكتور همين مااتصور حيكولي غير هالسبب

كلش شكـــــــــرا كلش كلش...ومقصرت دكتور تسلم

daywalker
, Mon, 09 Mar 2009 23:19:18 +0100
أهاا إي صدك شو كلش حجي علمي ومقنع اكيد هو هذا السبب ماكو غيره
اني حفظته و كتبته و هسة اوديه للدكتور همين مااتصور حيكولي غير هالسبب

كلش شكـــــــــرا كلش كلش...ومقصرت دكتور تسلم



تدللين
طبعا جاوبت السؤال من رخصة مس فارماسست
لان هوة سؤال صيادلة بس حبيت التوضيح

البـــغداديـــة
, Tue, 10 Mar 2009 20:22:31 +0100
عاشت ايدك دكتور عالجواب الدقيق والرائع
وتدللين روما علينه

**كريستال**
, Wed, 11 Mar 2009 19:22:13 +0100
هلووووو بغدو شلونج؟
عندي سؤال واتمنى تجاوبيني علية.كبسول الsuperslim&mepacoslimشنو مكوناتة؟واضرارة؟شوصار عنديhypotensionكلش قوي؟
وشكرا الج مقدما وردة:004:

البـــغداديـــة
, Thu, 12 Mar 2009 19:54:23 +0100
هلو كرستال
بالنسبة لهاي الحبوب تنزل وزنج12 كيلو شهريا مايعادل 3 كيلوات كل اسبوع اذا خففتي اكلج وياها بس اذا اعتمدتي بس على الكبسول بدون متقللين كمية اكلج فتنزلين بحدود 6 كيلوات شهريا


اما مساوءها ومو عند كل الاشخاص تطلع هالاعراض هي فقدان الشهية تماما
تيبس الحلك وزيادة دقات القلب
اما انخفاض الضغط ميظهر عند كل الاشخاص


ملاحظة/
شغلة تيبس الحلك تنحل بزيادة شرب الماء اما الدوخة فتنحل باكل الاغذية الباعثه للطاقه مثل التمر والموز


نصائح للشخص اللي يستخدم هاي الاعشاب
انه قبل ميستخدمها يفحص ضغطه وسكره ويكون خالي من الامراض لان حينتكس ويزيد مرضه


الامراض اللي ميصير الشخص يستخدم بيها هاي الاعشاب
الربو والضغط وامراض القلب والسكر وامراض الكلى وكذلك ميصير تستخدمها الحامل والمرضع
والصدك اي مرض بيكم لاتستخدمون اي كبسول منحف من اي نوعية كانت لان المريض بحاجه للغذاء مو هالنوبة يكطع الاكل هالنوبة يزيد مرضه اكثر واكثر وتوصل لمرحلة الاغماء


تحياتي

**كريستال**
, Thu, 12 Mar 2009 20:26:47 +0100
تسلميلي مس فارمسست الوردة
شكرا جزيلا

البـــغداديـــة
, Thu, 12 Mar 2009 20:35:49 +0100
ادللي حبيبتي

Avenged Sevenƒold
, Sat, 14 Mar 2009 21:23:25 +0100
احم احم

مرحبا هاي اول مره اجي هنا

و عندي سؤال

اكو غده طلعت بالرجل ليفوك و اتضوج بالمشي و شويه توجع اذا اطخهه
شنو هاي الغده و هسه اني شسوي =(

و صدك لعبت طوبه و لمن رجعت للبيت حسيت عليهه هذا الحجي البارحه و اليوم دا احس بالرجل الخه واااع
كلت اسألكم هنا و الباجر اروح للدكتور ^^
و شكررا

البـــغداديـــة
, Sat, 14 Mar 2009 21:42:36 +0100
احم احم


مرحبا هاي اول مره اجي هنا


و عندي سؤال


اكو غده طلعت بالرجل ليفوك و اتضوج بالمشي و شويه توجع اذا اطخهه
شنو هاي الغده و هسه اني شسوي =(


و صدك لعبت طوبه و لمن رجعت للبيت حسيت عليهه هذا الحجي البارحه و اليوم دا احس بالرجل الخه واااع
كلت اسألكم هنا و الباجر اروح للدكتور ^^
و شكررا



ماطول ماعدكم شغل
هاي احالة طبية *_^
وشكرا مقدما

البـــغداديـــة
, Sat, 14 Mar 2009 21:44:19 +0100
نقلت الاشتشارة لمكانها الصحيح
وان شالله تلكى الجواب من قبل اطبائنا الاعزاء
وهذا الطلب
http://mriraq.com/vb/showthread.php?t=229045&page=13 (http://mriraq.com/vb/showthread.php?t=229045&page=13)

Avenged Sevenƒold
, Sat, 14 Mar 2009 21:58:19 +0100
اووكي

اسف لان غلطت من الضوجه هفففف

شكراااا

البـــغداديـــة
, Sat, 14 Mar 2009 23:29:14 +0100
ولا يهمك ورده

الدكتور رائد
, Sun, 15 Mar 2009 20:43:38 +0100
السلام عليكم
اخوتي انا مستعد لجواب اي استفسار دوائي كان ام صيدلاني
ومدى تاثير العلاج
ان شاء الله

البـــغداديـــة
, Sun, 15 Mar 2009 20:57:26 +0100
عاشت ايدك دكتور عالمبادرة الحلوة
شكرا جزيلا مقدما
تحياتي

daywalker
, Sun, 15 Mar 2009 22:25:20 +0100
ماطول ماعدكم شغل
هاي احالة طبية *_^
وشكرا مقدما


احم احم

مرحبا هاي اول مره اجي هنا

و عندي سؤال

اكو غده طلعت بالرجل ليفوك و اتضوج بالمشي و شويه توجع اذا اطخهه
شنو هاي الغده و هسه اني شسوي =(

و صدك لعبت طوبه و لمن رجعت للبيت حسيت عليهه هذا الحجي البارحه و اليوم دا احس بالرجل الخه واااع
كلت اسألكم هنا و الباجر اروح للدكتور ^^
و شكررا


شكرا مس فارما على الاحالة
ردا على سؤال المستر فهاي على الاكثر غدة لمفاوية
وتكون منتفخة في حالة وجود اصابة او التهاب في نفس الساق
عادة الاسباب بسيطة ويتم معالجتها بسهولة
لكن هذا لا يمنع من ان يكون هذا الانتفاخ ( عبارة عن فتق فخذي او مغبني )
أو يكون سببه حالات نادرة اخرى لا داعي لذكرها هنا كونها نادرة الحصول
عموما المعاينة الطبية هي الحل
ومشافى واهلا وسهلا بيك ياورد

Avenged Sevenƒold
, Mon, 16 Mar 2009 08:08:03 +0100
شكررررا وردة عالمعلومات و صحيح طلعت لمفاويه

و دا اخذ الدوه

شكرررررا جزيلالالا

daywalker
, Mon, 16 Mar 2009 12:45:55 +0100
شكررررا وردة عالمعلومات و صحيح طلعت لمفاويه

و دا اخذ الدوه

شكرررررا جزيلالالا




يدللون

ҳ̸Ҳ̸ҳThe.Artful.Dodgerҳ̸Ҳ̸ҳ
, Wed, 18 Mar 2009 00:06:17 +0100
هلو ... وشلونكم انشاء الله زينين
مممممم
هاي اول مره اجي لهنا طبعا مو للمنتدى اقصد للاستشاره
وسوال هو اكيد هوايه يعانون من عنده

حب الشباب يا ناس شنو الحل
؟
رحت لدكتور كلي لازم تبطل حله ومدري شنو وو.... الى اخره
زين شلون اصوم؟؟
يعني شلون الواحد يستخدم هاي الاشياء الي تطلع بالتلفزيون من جماعه نيتروجينا وكلين اند كلير؟ وشنو احسن شي انتو تشوفون؟؟
وبالمناسبه اني ولد
وشكرا

daywalker
, Wed, 18 Mar 2009 23:22:10 +0100
هلو ... وشلونكم انشاء الله زينين
مممممم
هاي اول مره اجي لهنا طبعا مو للمنتدى اقصد للاستشاره
وسوال هو اكيد هوايه يعانون من عنده
حب الشباب يا ناس شنو الحل
رحت لدكتور كلي لازم تبطل حله ومدري شنو وو.... الى اخره
زين شلون اصوم؟؟
يعني شلون الواحد يستخدم هاي الاشياء الي تطلع بالتلفزيون من جماعه نيتروجينا وكلين اند كلير؟ وشنو احسن شي انتو تشوفون؟؟
وبالمناسبه اني ولد

ردا على سؤالك ياورد

حب الشباب مزعج جدا ويحتاج صبر ومثل ماكال الدكتور لازم تلتزم بالعلاج ونوع الأطعمة اللي حددها
عموما هناك اربع أنواع مهمة من حب الشباب كل نوع علاجه يختلف عن الاخر
وقد يوجد اكثر من نوع في نفس المريض
بصورة عامة قد يستغرق علاج حب الشباب من 3 الى 6 اشهر
لذا يستوجب الصبر اذ أن النتائج الاولية قد تظهر بعد الشهر الأول
تمنياتي بالشفاء التام

البـــغداديـــة
, Thu, 19 Mar 2009 17:25:09 +0100
من بعد اذن دكتورنا العزيز
طبعا كلش مهم بالعلاج انه تقلل الحلويات والدهون
اما المستحضرات المتوفرة بالصيدليات
تكدر تستخدم نتروجينا للبشرة المعرضة لضهور حب الشباب زينه لا بأس بيها
والافضل منها صابونة Acne aid
واستخدم غسول لحب الشباب قبل العلاج yong chin / Acne / facial gel
هم كجزء من العلاج وتستمر على علاج الدكتور اخصائي الجلدية اللي رحتله
بالبداية شكو حباية جوة الجلد حتطلع عندك وراها كلها تروح وتنتهي المشكله
بس شوية التزم بالعلاج وطول خلكك
تقريبا شهرين من العلاج تحصل على النتائج اللي تريدها
ورة متخلص من مشكلة الحبوب اذا صارت عندك اثار حبوب لاتخاف اكو جل اسمه Contractubex ينهي المشكله
ومعافى يارب

ҳ̸Ҳ̸ҳThe.Artful.Dodgerҳ̸Ҳ̸ҳ
, Thu, 19 Mar 2009 22:20:54 +0100
الف شكر اعزائي ...
وهاي الحجايه كلش فادتني مال انو الحبوب بلبدايه تبدي تطلع من جوه الجلد
وراهه تختفي
لين اني من دا استخدم العلاج دا احس ماكو فرق
لذلك احتمال يكون هذا السبب
وشكرا مره لوخ

البـــغداديـــة
, Sat, 21 Mar 2009 01:12:24 +0100
كل الهلا بيك

daywalker
, Sun, 22 Mar 2009 19:44:13 +0100
تدلل ياوردة

حنوش 11
, Mon, 06 Apr 2009 15:21:15 +0200
السلام عليكم اني عضوه جديده بالمنتدى وعندي استفسار عن حبوب الزانتاك للمعده ماهي سلبيتها للمراه الحامل وماهو تاثيرها بالضبط على الجنين لان اني حامل واخذتها ومنعتني الدكتوره منها وبطفلي الاول اخذتها فترة الحمل كلها فهل لها تاثير على ابني الي عمره الان ثلاث سنوات ارجو الاجابه اني كلش قلقه بخصوص ابني لان يعاني من امساك بين الحين ولاخر هل الحبوب لها علاقه بهذا الشي مع الشكر

daywalker
, Mon, 06 Apr 2009 21:09:01 +0200
السلام عليكم اني عضوه جديده بالمنتدى وعندي استفسار عن حبوب الزانتاك للمعده ماهي سلبيتها للمراه الحامل وماهو تاثيرها بالضبط على الجنين لان اني حامل واخذتها ومنعتني الدكتوره منها وبطفلي الاول اخذتها فترة الحمل كلها فهل لها تاثير على ابني الي عمره الان ثلاث سنوات ارجو الاجابه اني كلش قلقه بخصوص ابني لان يعاني من امساك بين الحين ولاخر هل الحبوب لها علاقه بهذا الشي مع الشكر



طبعا من رخصة الصيادلة
اليوم عيادتنا واكفة فتحارشنا بيكم
جوابا على سؤال الأخت
حبوب الزانتاك أمينة مية مية
بالحمل وغير الحمل
أبدا لتخافين من حبوب الزانتاك بالحمل
وبالنسبة لطفلك المفروض ميصير عنده خروج لمدة 3 ايام وعندها نسميه أمساك
وأعتقد ماعنده أمساك من البداية

حنوش 11
, Mon, 06 Apr 2009 23:21:44 +0200
مشكور اخي على الاجابه هسه ارتاحيت الف شكر الك

البـــغداديـــة
, Tue, 07 Apr 2009 15:47:09 +0200
عاشت ايدك دكتور عالاجابة
واهلا وسهلا بحنوش

daywalker
, Tue, 07 Apr 2009 16:31:18 +0200
مشكور اخي على الاجابه هسه ارتاحيت الف شكر الك


تـدلـل حـنوش

daywalker
, Tue, 07 Apr 2009 16:32:52 +0200
عاشت ايدك دكتور عالاجابة




العفو مشرفتنا الوردة

ramicassar
, Wed, 08 Apr 2009 20:43:09 +0200
شونكم شباب الصيدله؟ اخباركم ؟
عندي طلب ........... اريد مواقع مال new drug industry
يعني بيه فورملات جديده و طرق تصنيع الفورمولا و غير ذلك, يعني صناعي مو فارماكولوجي مال drugs
يعني drug design . و اكوون كلش مشكور و ممنون .

البـــغداديـــة
, Fri, 10 Apr 2009 01:54:59 +0200
هلو ramicassar
وهذا طلبك وان شالله تستفاد من الموقع

الموسوعة الرائعة
:

William Andrew Publishing and Noyes Publishing - 1988 - PharmaceuticalManufacturing Encyclopedia, 2 Volume Set. 2nd Edition - ISBN 0815511442 - 1756s - OCR





كتاب ضخم للغاية..

عدد الصفحات1756 صفحة..

تشمل كل التركيبات الدوائية الفعالة..



التركيب البنائي..
الأسم التجاري..
المصدر الخام..
رقم الأبستراكت..
و طريقة التصنيع لكل مادة فعالة...
هذا بجانب الملحقات الرائعة ...


للحصول على هذه الموسوعة يجب أن تضغط
هنا.. (http://ifile.it/dl)

بالتوفيق

ramicassar
, Sat, 11 Apr 2009 07:27:19 +0200
عاشت ايدج شكرااااااااااااااااااا بس السايت هذا ميفيد ينراد داون لود لينك حته اكدر انزل منه

البـــغداديـــة
, Sat, 11 Apr 2009 19:45:55 +0200
هذا اللي لكيته
ان شالله يفيدونة بقية الزملاء
تحياتي

IraQ SaiLoR
, Wed, 15 Apr 2009 23:19:57 +0200
مرحبة أختي شلونج

إن شاء الله بخير يارب

طبعاً آني ما أجي بس بوكت العوزه ما أسأل

يله إن شاء الله نبقى أخوان طول العمر يارب

أكولج عيني شنو هذا السوار "سوار أبن سينا" بالصيدليات

ديبيعوه بـ2000 دينار زين لو لا

يكولون أله آثار يسوي سلطان ياستار أو عقم مصدكت وصار اني فوك الشهر لابسه

ومهتميت لحجي الناس كلت خلي أسأل اختي بالمنتدى

زين من ألبسه يكولون لا تطبكه لازم تخليه مفاركات النهايات مالته

ومشكور مقدماً

البـــغداديـــة
, Fri, 17 Apr 2009 18:43:29 +0200
وعليكم السلام ورحمة الله وبركاته
هلو ورده
شلونك .؟ ان شالله تكون بخير وبصحةة وعافيه
تريد الصدك هذا السوار ( كلاوات )
الوجبة الاولية جانت زينه وراها انغشت وصارت حديده لا اكثر
وسعرة بين 1500-2000
وهو مجرد يفرغ شحنات
السوار المضبوط مو هذا هذاك الماني صنع خصيصا للامارات
وسعرة 100$ عبارة عن مغناطيس تلبسة بشكل سوار وتنزعه يتفصخ بشكل قطع مغناطيسية
فالشخص اللي يكولك يسوي سرطانات وهالامور شمدري قابل مسوي علية بحوث هو مصارله فترة من دخل للعراق
نصيحتي اذا انت تصلي فشحناتك دتتفرغ ومتحتاج هالسوار
وانت بعد اشتريته فألبسه كـ ( موده ) *_^

تحياتي

IraQ SaiLoR
, Sat, 18 Apr 2009 16:50:17 +0200
وعليكم السلام ورحمة الله وبركاته



هلو ورده
شلونك .؟ ان شالله تكون بخير وبصحةة وعافيه
تريد الصدك هذا السوار ( كلاوات )
الوجبة الاولية جانت زينه وراها انغشت وصارت حديده لا اكثر
وسعرة بين 1500-2000
وهو مجرد يفرغ شحنات
السوار المضبوط مو هذا هذاك الماني صنع خصيصا للامارات
وسعرة 100$ عبارة عن مغناطيس تلبسة بشكل سوار وتنزعه يتفصخ بشكل قطع مغناطيسية
زين وين ألكي الأصلي؟؟
فالشخص اللي يكولك يسوي سرطانات وهالامور شمدري قابل مسوي علية بحوث هو مصارله فترة من دخل للعراق
ههههههه أي والله صح
نصيحتي اذا انت تصلي فشحناتك دتتفرغ ومتحتاج هالسوار
أي الحمد لله أصلي وكل صلاة بوقتها حتى الصبح احمد الله وأشكره
وانت بعد اشتريته فألبسه كـ ( موده ) *_^
تريدن الصراحة أخت آني هم مقتنعت بي بس لابسه كمودة :d لأن ما اعترف بهيج سوالف لا وكلها ب2000 دينار




تحياتي


آني أشتريته قبل شهر ونص تقريباً



ألف شكر أختي العزيزة

وردة البنفـسج
, Sun, 19 Apr 2009 20:36:39 +0200
مرحبا
شلوووووووونكم
اني عندي فد سؤال بلا زحمة
شنو الفرق بين الدهون والكوليسترول؟
يعني الدهون نوع من الكوليسترول لو يساعد برفع الكوليسترول الضار؟
وهل تناول الاكل الذي يحتوي على الدهون يرفع الكوليسترول ؟
اريد توضيح لو سمحتي دكتورتنة
شكرااااااااا

البـــغداديـــة
, Sun, 19 Apr 2009 21:21:22 +0200
هلو عزيزتي وردة البنفسج
الدهون تختلف عن الكولسترول , الكولسترول لايعتبر من الدهون لكن هو شبيه للدهون
وهو عبارة عن مركبات مهمة لجسم الكائن الحي حيث انه موجود في جدران جميع الخلايا، كما انه مهم لانتاج العصارة الصفراوية.
والدهون مهمة لتنظيم مستوى الكوليسترول في الجسم
شي اكيد كل ما يزيد تناول الانسان للأكل الحاوي على الدهون ترتفع نسبة الكولسترول ويزداد خطر التعرض للجلطات وامراض القلب
ولمزيد من التفاصيل
فوتي هنـــــــا (http://www.mriraq.com/vb/showthread.php?p=3765602#post3765602)

وردة البنفـسج
, Sun, 19 Apr 2009 23:11:35 +0200
عاشت ايدج اختي
تسلمين

البـــغداديـــة
, Mon, 20 Apr 2009 22:12:58 +0200
تدللين وردة

asalem1050
, Wed, 22 Apr 2009 22:17:29 +0200
:f_th044m_c554c4d::f_th044m_c554c4d::f_th044m_c554 c4d::f_th044m_c554c4d::f_gokissm_06f78b6::f_th044m _c554c4d:

asalem1050
, Wed, 22 Apr 2009 22:27:24 +0200
اريد ان اعرف ما هو التصرف الصحيح فى حالة ان يكون الطفل عمرة اربع اشهر وعندة امساك بصفة مستمرة ومن الممكن ان يستمر بهذا الوضع لمدة يومين الى ان ياخذ اقماع حتى يعمل اريد الرد فى هذا الموضوع فى اسرع وقت

daywalker
, Thu, 23 Apr 2009 01:39:46 +0200
طبعا اهلا بيك كمستر جديد بمنتدى مستر عراق الحلو
ردا على سؤال حضرتك
بالنسبة للاطفال اكو هواي حالات يصير بيها اختلاف بعمل الامعاء للطفل
ومرات تتاخر بطنة هواي ولكن عاددة المفروض يصير عنده خروج مرتين على الاقل باليوم
في بعض الاحيان يقوم بعض الاطباء بوصف ادوية للطفل اللي يبجي هواية على اعتبار يعاني من مغص
وبعض هاي الأدوية تنفع للمغص بس تؤدي للامساك
ومرات مي الغريب وخصوصا الأنكليزي يسوي أمساك
طبعا تخلي ببالك شغلة مهمة جدا بالنسبة للطفل
وهية حركة ونشاط الطفل والنوم مالته ورضاعته
لان لو كانت رضاعته مو طبيعية او يرضع وميكمل معناها عنده مشكلة مع هذا الامساك
وأذا عنده انتفاخ بالبطن معناها أكو مشكلة
وطبعا وزن طفلك اذا ينقص أو على الأقل ميزيد هم مهم لان معناها عنده مرض
طبعا اذا الطفل يرضع حليب مو من الثدي مرات يصاحبة امساك أو اسهال
ومرات تغيير نوع الحليب يؤدي للامساك
وبعض الأحيان عندما يشفى الطفل من الاسهال يصير عنده وراها شكم يوم امساك عادي ومقبول
عموما الحالات المرضية المصاحبة للأمساك المزمن لدى الاطفال وهي :
مرض هرشسبرنك , انسداد الأمعاء الكاذب , خمول الغدة الدرقية , التليف الكييسي , حساسية الحنطة ( حساسية الكلوتين ) او مرض السيلياك , العيوب الخلقية في فتحة الشرج والمخرج.

شوف اخي للسهولة العلامات المنذرة والتي تدعو للقلق في الامساك للطفل هي : ( هنا يجب مراجعة الطبيب )
ان يكون مصاحب بقيئ مستمر مع انتفاخ البطن
ان يكون القيئ ذا لون مشابه للون العصارة الصفراء
ان لا يزيد وزن الطفل او يعاني مشاكل في النمو
أن يكون خاملا قليل النشاط ونائما أكثر الوقت
ارتخاء في الجسم وعدم القدرة على تحريك الاطراف
بكاء الطفل كثيرا عند التغوط وخروج المستقيم من فتحة الشرج راسا على عقب

حبيبي خلي ببالك بالنسة للاطفال بهذي الاعمار معدل حركة الجهاز الهضمي تكون من 5 - 40 مرة بالاسبوع هاي وية حليب الثدي واقل وية حليب الاصطناعي.
عموما ماكو غير العافية وتدلل

البـــغداديـــة
, Thu, 23 Apr 2009 19:09:39 +0200
عبالي عندك استشارة ههههههههه
اهلا وسهلا بيك

ღܓܨw@nk$ܓܨღ
, Fri, 24 Apr 2009 17:31:35 +0200
هلووو اشلون الصحة
اريد اسال عن علاج انفلونزا المعدة
وبين فترة وفترة اصير عندي اضطرابات بمعدتي لدرجة ماكدر بعد اتحرك
رحت للدكتورة كلتلي تهيج بسيط بالقولون
بصراحة معدتي كلش ضوجتني ومكمت اميز بين تهيج القولون وانفلونزا المعدة ياريت أساعدوني

daywalker
, Sat, 25 Apr 2009 20:35:29 +0200
هلووو اشلون الصحة
اريد اسال عن علاج انفلونزا المعدة
وبين فترة وفترة اصير عندي اضطرابات بمعدتي لدرجة ماكدر بعد اتحرك
رحت للدكتورة كلتلي تهيج بسيط بالقولون
بصراحة معدتي كلش ضوجتني ومكمت اميز بين تهيج القولون وانفلونزا المعدة ياريت أساعدوني


أهلا اختنا العزيزة
بالنسبة لحالتج أحب اوضحلج ماكو مصطلح انفلونزا بالمعدة من الأصل
وبالنسبة لحالتج اذا كانت المشكلة تهيج بالامعاء ( بالقولون ) او مانسميه بالقولون العصبي
ففي بعض الأحيان قد يصاحبها اضطرابات بوظائف المعدة والامعاء
بالنسبة لمشكلة معدتج لازم نتاكد هية المشكلة بمعدتج حقيقة لو لا
فيفترض تجاوبين على الاسئلة التالية :
1. عمرك , أية امراض مزمنة , اية أدوية تستخدميها بصورة مستمرة
2. منذ متى مشكلتج , وكل مرة شكم تطول النوبة ( ايام , أسابيع , ساعات )
3. وين مكان الألم في بطنك ؟ ينتقل لغير مكانات لو ينتشر لغير مكانات ؟
4. ألها علاقة بالاكل؟ يزيد ألمج بالأكل لو يقل لو ماله علاقة وشلونه الجوع وية الألم ( يزيده لو ينقصة )
5. عندج نقص بالوزن لو لا ؟ أكو زيادة وزن ؟ عندج فقر دم بتحليل مثلا
6. يوجد عندج قيئ ؟ اسهال ؟ أمساك ؟ وهل القيئ أو الخروج يحتوي على دم او جراحة ؟
7. هل توجد اطعمة معينة تزيد من سوء حالتج أو تحسن منها ( دهنيات شوكولا حليب توابل وبهارات ومخللات )
8. مشكلتج اكثر شي الالم ؟ لو وياه غير أمور ؟ عندج صعوبة بلع ؟ صار عندج ابو صفار قبل لو هسة ؟
9. عندج حرقة في الادرار ؟ زيادة أو قلة في كمية الادرار أو تغير في اللون ؟

أختي العزيزة طبعا هناك عدة أمور أخرى وأسئلة أخرى
اذا تحسين أكو أحراجات بالجواب تكدرين بمسج خاصة

طبعا هناك عدة أسباب لمشكلتج لكن لو أفترضنا عمرج بين 20 و 30
فنخلي تهيج القولون والحالة النفسية , اضطرابات المعدة وقرحة المعدة والاثني عشري , التهابات القولون والامعاء المتقرح , مشاكل غدة الصفراء , ألتهابات المجاري البولية المزمن وغيرها لا يتسع الوقت لها لكن اخترت المهم منها والشائع منها

عموما يحتاج تجاوبين هاي الأسئلة لكي تتوضح الصورة وان شاء الله ماكو غير العافية

البـــغداديـــة
, Sun, 26 Apr 2009 18:06:27 +0200
عاشت ايدك دكتور عالاجابات التفصيلية الرائعه
بارك الله بيك

daywalker
, Sun, 26 Apr 2009 21:22:54 +0200
أشــــــكــــــــــــــر ج
مشرفــتـــنـــا الـــوردة

ღܓܨw@nk$ܓܨღ
, Mon, 27 Apr 2009 13:10:16 +0200
يسلمووووووووووووووواdaywalker
وشكرا جزيلا
عن جد استفاديت من التوضيح والعلاج
وعاشت ايدك

daywalker
, Mon, 27 Apr 2009 16:07:18 +0200
يسلمووووووووووووووواdaywalker
وشكرا جزيلا
عن جد استفاديت من التوضيح والعلاج
وعاشت ايدك


العـــــــــفــــــــو أختنا
أن شاء سلامتكم وسلامة كل الأعضاء بمنتدى مستر عراق

ღܓܨw@nk$ܓܨღ
, Tue, 28 Apr 2009 14:45:37 +0200
هلوووووووووووو شونكم
اني صديقتي تعاني من حبوب بظهرها يعني ماكو بوجها
وبين فترة وفترة تظهر وبشكل لافت يعني الحبوب كبيرة وتوجع اذا لازمتها(حالتها حالة هه)

daywalker
, Tue, 28 Apr 2009 17:04:25 +0200
هلوووووووووووو شونكم
اني صديقتي تعاني من حبوب بظهرها يعني ماكو بوجها
وبين فترة وفترة تظهر وبشكل لافت يعني الحبوب كبيرة وتوجع اذا لازمتها(حالتها حالة هه)


بالنسبة للحالة اللي ذكرتيها
لازم نعرف شكد صارلها الحالة ؟ تروح وتجي لو لا ؟
هم لازم نعرف العمر ؟ اية ادوية مستمرة عليها قبلا لهاي الحالة او غيرها ( حبوب دكسن مثلا )
مستخدمة غسول جسم جديد ؟
طبعا المشكلة بالامراض الجلدية يجب مشاهدة المنطقة.
عموما اذا شايفها طبيب جلدية من قبل ومنطيج تشخيص ممكن تفيدينا
وعموما جاوبيني على هاي الاسئلة وأن شاء الله خير

ღܓܨw@nk$ܓܨღ
, Thu, 30 Apr 2009 14:02:34 +0200
بالنسبة للحالة اللي ذكرتيها

لازم نعرف شكد صارلها الحالة ؟ تروح وتجي لو لا ؟
هم لازم نعرف العمر ؟ اية ادوية مستمرة عليها قبلا لهاي الحالة او غيرها ( حبوب دكسن مثلا )
مستخدمة غسول جسم جديد ؟
طبعا المشكلة بالامراض الجلدية يجب مشاهدة المنطقة.
عموما اذا شايفها طبيب جلدية من قبل ومنطيج تشخيص ممكن تفيدينا

وعموما جاوبيني على هاي الاسئلة وأن شاء الله خير

الحالة صارلها هواية يعني من عمر 13وهسة هية عمرها 24
اي الحالة تروح وتجي(بين فترة وفترة)
لا ماكو ادوية تاخذها باستمرار
ولامستخدمة غسول جديد
ولاشايفها طبيب جلدية
صدك هية تكول من تطلع الحبوب تاخذ كبسول اموكسسلين
وتروح الحبوب

daywalker
, Thu, 30 Apr 2009 17:46:33 +0200
الحالة صارلها هواية يعني من عمر 13وهسة هية عمرها 24
اي الحالة تروح وتجي(بين فترة وفترة)
لا ماكو ادوية تاخذها باستمرار
ولامستخدمة غسول جديد
ولاشايفها طبيب جلدية
صدك هية تكول من تطلع الحبوب تاخذ كبسول اموكسسلين
وتروح الحبوب


ماشي
مثل هيجي مشاكل جلدية تحتاج توضيح اكثر
حبذا لو اكو معلومات أكثر
المشكلة بالامراض الجلدية عموما يكون التشخيص عن طريق المشاهدة للمنطقة
تحياتي

hassanen_alshdede89
, Fri, 01 May 2009 23:21:07 +0200
ياريت لو اكو شي يقلل من النحول
على طول الوقت تعبان ومنعس بس
على النت ما انعس ما ادري شنو السبب

Sadtears
, Sun, 03 May 2009 18:02:08 +0200
هلو دكتورة شلونج قلب يارب تكونين بخير..
دكتورة حبي عندي فد إستفسار إذا تسمحين..
أريد أعرف أيهما أكثر nephrotoxicity
( ceftriaxone ) or ( garamycin )?
حقيقه سألني بي طبيب ومكان عندي معلومه عنه
إذا ممكن تساعديني..

البـــغداديـــة
, Sun, 03 May 2009 22:51:47 +0200
ياريت لو اكو شي يقلل من النحول
على طول الوقت تعبان ومنعس بس
على النت ما انعس ما ادري شنو السبب
تكدر تستخدم سينترام حب مقوي أو GRsix
وحده باليوم بعد الاكل
بس قبلها شوف ضغطك احتمال عندك هبوط بالضغط او فقر دم
وماعندك غير العافيه

البـــغداديـــة
, Sun, 03 May 2009 23:26:53 +0200
هلو دكتورة شلونج قلب يارب تكونين بخير..
دكتورة حبي عندي فد إستفسار إذا تسمحين..
أريد أعرف أيهما أكثر nephrotoxicity
( ceftriaxone ) or ( garamycin )?
حقيقه سألني بي طبيب ومكان عندي معلومه عنه
إذا ممكن تساعديني..


هلو ورده
Gantamycin أو garamycin تعتبر جدا سامه اذا استخدمت لمدة اكثر من اسبوع لانها تمتلك خواص ototoxicity & nephrotoxicity

عاشقة الورد
, Sun, 03 May 2009 23:42:39 +0200
مرحبا دكتورتنة
شلونج
اني عندي فد سؤال
شنو هو الـ Staph aureus
فايروس لو بكتيريا وشنو يسبب وشنو اعراضه

شكرا اختي

hassanen_alshdede89
, Mon, 04 May 2009 01:57:36 +0200
تكدر تستخدم سينترام حب مقوي أو grsix
وحده باليوم بعد الاكل
بس قبلها شوف ضغطك احتمال عندك هبوط بالضغط او فقر دم
وماعندك غير العافيه




دكتورة ما اعرف شلون اشكرك

ادامك الله زهرة للمنتدى

gevara
, Mon, 04 May 2009 15:18:46 +0200
أحلى أحلى أحلى موقع موسوعة مستر عراق طبية:f_flowerbuckem_5eea:f_faepinkrosem_e086:f_lov eheartm_47aaa5

البـــغداديـــة
, Mon, 04 May 2009 20:07:58 +0200
مرحبا دكتورتنة
شلونج
اني عندي فد سؤال
شنو هو الـ Staph aureus
فايروس لو بكتيريا وشنو يسبب وشنو اعراضه

شكرا اختي


هلو ورده
ان شالله تكون بخير
بالنسبة لسؤالج
Staphylococcus aureus بكتريا مو فايروس


تسبب الكثير من الامراض
تتراوح بين الاصابات الجلدية البسيطه كالتقرحات وبين الاصابات المهدده للحياة كالتهاب السحايا والخناق والتهاب عضلة القلب وتعفن الدم
...... الخ
لمزيد من التفاصيل ادخلي هنـــــــــــا (http://en.wikipedia.org/wiki/Staphylococcus_aureus)
تحياتي

عاشقة الورد
, Mon, 04 May 2009 22:31:50 +0200
شكرا الج طبيبتنة

Sadtears
, Mon, 04 May 2009 23:09:31 +0200
هلو ورده
Gantamycin أو garamycin تعتبر جدا سامه اذا استخدمت لمدة اكثر من اسبوع لانها تمتلك خواص ototoxicity & nephrotoxicity

أشكرج دكتورة..
ربي يخليك ويديمك لهذا المنتدى..:f_flowerbuckem_5eea

عـــــواافي
, Tue, 05 May 2009 00:04:35 +0200
صبااااااااااااااااحكم ورد
:f_faepinkrosem_e086وشلونكم
يسعدني اتعرف عليكم

البـــغداديـــة
, Tue, 05 May 2009 21:38:07 +0200
اهلا وسهلا ب عواااااافي بالمنتدى الطبي
ننتظر نشوف مشاركات مميزة منك
وتفيدنه وتستفيد
اذا يعجبك اتعرف عن نفسك
فوت هنـــــــــا (http://mriraq.com/vb/showthread.php?t=201022)

علي حبيب علي
, Thu, 14 May 2009 23:34:57 +0200
توجد لديه حاله حدثت قبل اسبوعين هي ان تكون الساق اليسرى واليد اليسرى باردة ما هو السبب مع جزيل الشكر

StyleR
, Tue, 19 May 2009 22:39:19 +0200
لو سمحت اني رجولي فيها ورم من الكعب الى اعلى من الوراء ايش اسوي ؟؟؟


http://www.mriraq.com/vb/imagehosting/883654a113e8ddf6bc.gif ('http://www.mriraq.com/vb/vbimghost.php?do=displayimg&imgid=77374')

daywalker
, Fri, 22 May 2009 16:26:09 +0200
أحلى أحلى أحلى موقع موسوعة مستر عراق طبية:f_flowerbuckem_5eea:f_faepinkrosem_e086:f_lov eheartm_47aaa5


شكرا أخ gevara كلك ذوق ياورد

daywalker
, Sat, 23 May 2009 10:22:57 +0200
توجد لديه حاله حدثت قبل اسبوعين هي ان تكون الساق اليسرى واليد اليسرى باردة ما هو السبب مع جزيل الشكر


علاوي الورد بالنسبة لحالتك أذا اعتبرناها مرضية فهي تصير وية حالات انضغاط الأعصاب والحبل الشوكي من جراء مشاكل في الفقرات العنقية أو عيوب خلقية في الفقرات العنقية هاي بصورة عامة وبالنسبة للفئات العمرية الأكبر سنا فنفكر بحالات الطارئة الوعائية الدماغية ( جلطة الدماغ )
وطبعا مننسى التهابات الأعصاب المحيطية واللي يكون بيه أمكان الاصابة مبعثر فقد يجينا بهيجي صورة ولو قليلين يجون هيجي قصدي ميجون جهة وحدة .
عموما كل اللي حجيتة ياعلي هوة أسباب نادرة لحالتك واعتقد انت شاب فماأتصور عندك شي يخوف
وعموما اللي ذكرته أنت مو معناها بس هذا اللي عندك ومو معناها ايضا أنوا هذا اللي ذكرته عند اصلا
شوف اذا تحب انطيك المسنجر برسالة خاصة علمود نستفسر عن حالتك أكثر
ولتخاف ابد اني مدا أشوف عندك شي اصلا
تحياتي وتمنياتي بالشفاء

daywalker
, Sat, 23 May 2009 10:29:30 +0200
لو سمحت اني رجولي فيها ورم من الكعب الى اعلى من الوراء ايش اسوي ؟؟؟


http://www.mriraq.com/vb/imagehosting/883654a113e8ddf6bc.gif ('http://www.mriraq.com/vb/vbimghost.php?do=displayimg&imgid=77374')




ياأخي يابرنس مبين من توقيعك رياضي
بالنسبة للورم اللي برجليك فهو اله هواي اسباب
واذا جان مثل مذكرته بالضبط فهو بسبب أجهاد عضلات الساق
ربما تحتاج شوية راحة للقدمين
اذا تحب توضحلي امور أخرى برسالة أخرى وحبذا لو توضحي اذا عندك مشاكل طبية سابقة
مثلا مشاكل بالقلب او سكري أو بالكليتين أو اخرى أو اية أدوية تستخدمها مثلا الادوية اللي تبني عضلات بالجسم وغيرها من المقويات والمنشطات
تحياتي وأمنياتي بالشفاء

محمدمازن
, Sun, 24 May 2009 00:21:26 +0200
شكراا على الموضوع الجيد

daywalker
, Sun, 24 May 2009 00:49:53 +0200
شكراا على الموضوع الجيد


نورت ياورد

tutaia
, Mon, 25 May 2009 19:43:38 +0200
عااااااااااااااااااااااااااااااااااااااااااا
ساعدوني بسرعه الله يخليكم
رجلي انفصخت واني يوم الاربعاء عندي عرض مسرحي اقدمه على المسرح الوطني يوم 27
اريد اسرع علاج يخليها اطيب بسرعه و ما احس بوجعها بسرعا

tutaia
, Mon, 25 May 2009 19:45:11 +0200
عااااااااااااااااااااااااااااااااااااااااااا
ساعدوني بسرعه الله يخليكم
رجلي انفصخت واني يوم الاربعاء عندي عرض مسرحي اقدمه على المسرح الوطني يوم 27
اريد اسرع علاج يخليها اطيب بسرعه و ما احس بوجعها بسرعا

البـــغداديـــة
, Mon, 25 May 2009 20:05:17 +0200
عااااااااااااااااااااااااااااااااااااااااااا
ساعدوني بسرعه الله يخليكم
رجلي انفصخت واني يوم الاربعاء عندي عرض مسرحي اقدمه على المسرح الوطني يوم 27
اريد اسرع علاج يخليها اطيب بسرعه و ما احس بوجعها بسرعا



لا سلامات
اخذي Olfen gel
استخدمي مرتين او 3 مرات باليوم هذا فولتارين سويسري يسكن الالم

واخذي من توجعج رجليج Deep Freeze هذا يخدر الالم منشأه انكليزي

واضربي ابر Olfen ampule وحده يوميا لمدة 3 أيام

ملاحظة
اخذي المناشئ اللي ذكرتها بالاسم سجليهم بورقه وجيبيهم من الصيدليه
وماعندج الا العافيه

daywalker
, Mon, 25 May 2009 23:02:17 +0200
عااااااااااااااااااااااااااااااااااااااااااا
ساعدوني بسرعه الله يخليكم
رجلي انفصخت واني يوم الاربعاء عندي عرض مسرحي اقدمه على المسرح الوطني يوم 27
اريد اسرع علاج يخليها اطيب بسرعه و ما احس بوجعها بسرعا


أن شاء الله هذا العلاج حيفيدج
نابروكسين حبوب مثل الكبسول مرتان يوميا ابو ال 500 ملغم
وتكدرين لحد 3 مرات يوميا تاخذيهن

ويفيدج فولتارين سبري الاصلي كولش فيكة وشكد متريدين خلي منه ويشتغل خلال ربع ساعة

وللالام الشديدة يفيدج أولفين الأصلي ابر بالعضلة بس لتضربين ابر يوم العرض

أذا أصابتج جديدة يعني خلال ثلاث الى أربعة ايام تفيدج كمادات الماء البارد وأذا أكثر تفيدج كمادات الماء الدافىء
بالاضافة الى باندج لفيه لا قوي ولا مرتخي يعني وسط وخليه شوية فوك الكاحل

بالمناسبة النابروكسين الحب والفولتارين الابر ميصير تستخدميهن اذا عندج ربو او مشاكل بالمعدة كالقرحة مثلا
وبهاي الحالة يفيدج حبوب ال pain stop وتاثيره هم حلو وتكدرين تستخدميه اربع مرات يوميا

عموما يوم العرض سوي الاتي
1. حمام ماء دافئ وياه ملح تغمسين بيه رجليج قبل متروحين وياه مساج للقدمين وفركيهن زين
2. لتضربين ابر بالعضلة لأن الألم بالعضلة هم يعوق الاداء
3. أخذي النابروكسين الحب وأشربي فد شي قليل وياه سوائل مثلا
4. أخذي وياج السبري وخليه قبل كل اداء وانت عن طريق الخبرة حتعرفين خلال شكد يشتغل
وعادة يشتغل خلال 10 ال 20 دقيقة

تمنياتي بالتوفيق وأن شاء الله تعدي على خير
واذا صرتي زينة نطلبج عزومة على مسرحية
وماعندج غير العافية

سما الربيعي
, Wed, 03 Jun 2009 19:03:26 +0200
مرحبا
ممكن اسال سؤال؟؟؟؟؟
شنو اسماء المواد الي كنتو درسوها بصف الثاني وكم ماده عدكم؟؟؟؟؟

البـــغداديـــة
, Wed, 03 Jun 2009 19:21:22 +0200
خوش استشارة صيدلانية
ههههههههه
ليش هالسؤال سماوي؟
ناوية تكملين صيدله *_^

سما الربيعي
, Thu, 04 Jun 2009 10:52:29 +0200
ههههههههههههههههههه اي والله عاجبتني بس مجاوبتيني ع السؤال؟؟؟؟؟

زمردة
, Fri, 05 Jun 2009 12:06:39 +0200
مرحبا انا خريجة علوم فيزياء طبية واريد استفسر عن هذا القسم اكثر ممكن

زمردة
, Fri, 05 Jun 2009 12:16:09 +0200
:f_heartcandym_ebaebالسلام عليكم انا خريجة علوم فيزياء طبية جامعة بغداد اريد اطور نفسي في هذا القسم كيف اعمل ذالك ممكن الرد على استفساري اذا امكن

daywalker
, Fri, 05 Jun 2009 15:19:29 +0200
:f_heartcandym_ebaebالسلام عليكم انا خريجة علوم فيزياء طبية جامعة بغداد اريد اطور نفسي في هذا القسم كيف اعمل ذالك ممكن الرد على استفساري اذا امكن


أختي بالنسبة كيف تطورين مهاراتج فهذا الشي يعتمد على اي جهاز تحبين تشتغلين وشنو اللي يعجبج
بالنسبة للأجهزة الطبية فأنت مية مية تعرفين المدى الواسع والفرق الكبير بين جهاز وجهاز وبين الأجهزة من النوع نفسه لهذا شوفي شنو اللي تحبيه وتهتمين بيه وبعدين تكدرين تبحثين عن اللي تريدين تتعلميه
وعموما بهيجي أمور الخبرة العملية أهم من كل شي
تحياتي وتمنياتي بالموفقية

tasamy
, Fri, 05 Jun 2009 23:13:38 +0200
انا عندى سؤال عمرى 36 سنه اعانى
-ضغط فى خلف الدماغ ووجع حين تحريك قشرة الراس
-تنميل فى الوجه
-الم فى الرقبه يمتد للاكتاف
-لا يوجد زغلله ولكن عدم اتزان وخاصة عند الوقوف من وضع الجلوس
-دبابيس حول العين
-وجع فى الاذن يمتد من الداخل ثم يستمر لاسفل فى الوجه حتى نهاية الفك
-ضغط الدم عادى وكذلك تحليل الدم

بماذا تنصحونى?

سمو الاميرة
, Sat, 06 Jun 2009 11:32:35 +0200
مرحبا اتمنى تكونون بخير
حبيت اسال سؤالين
الاول علامات التمدد التي تصير بالجسم بعد االحمل شلون ممكن نعالجها طبيا سمعت اكو مراهم ترميم الجلد وهل الممكن انو تنحل وتتعالج لو يبقى اثرهن

الثاني الدوالي الاوردة العنكبوتية شنو علاجها وهل العلاج بالليزر يفيد واكو هيج تقنية بالعراق
واسفة اذا اكثرت من اسئلتي
وتحياتي لحضرتكم

daywalker
, Sun, 07 Jun 2009 16:40:46 +0200
انا عندى سؤال عمرى 36 سنه اعانى
-ضغط فى خلف الدماغ ووجع حين تحريك قشرة الراس
-تنميل فى الوجه
-الم فى الرقبه يمتد للاكتاف
-لا يوجد زغلله ولكن عدم اتزان وخاصة عند الوقوف من وضع الجلوس
-دبابيس حول العين
-وجع فى الاذن يمتد من الداخل ثم يستمر لاسفل فى الوجه حتى نهاية الفك
-ضغط الدم عادى وكذلك تحليل الدم

بماذا تنصحونى?



هلووووو tasamy ان شاء الله تكون بخير وماكو عندك غير العافية
كل اللي ذكرته قد يكون أعراض غير خاصة بشي معين ويجوز ماكو شي
عموما احتاج معلومات أكثر عن حالتك واذا تحب أدزلج المسنجر اللي يخصني واستفسر عن حالتك اكثر وتدلل وحاضرين
تمنياتي بالشفاء أن شاء الله

daywalker
, Sun, 07 Jun 2009 18:01:33 +0200
مرحبا اتمنى تكونون بخير
حبيت اسال سؤالين
الاول علامات التمدد التي تصير بالجسم بعد االحمل شلون ممكن نعالجها طبيا سمعت اكو مراهم ترميم الجلد وهل الممكن انو تنحل وتتعالج لو يبقى اثرهن

الثاني الدوالي الاوردة العنكبوتية شنو علاجها وهل العلاج بالليزر يفيد واكو هيج تقنية بالعراق
واسفة اذا اكثرت من اسئلتي
وتحياتي لحضرتكم


مرحبا أخت سمو الأميرة
بالنسبة للسؤال الأول فالأمر يختلف من أمرأة لاخرى كالأتي
هناك نساء لديهن الأستعداد لتكوين علامات التمدد وهناك نساء تختفي عندهن بعد الحمل وهناك نساء تبقى لديهن. عموما أكثر النساء استعداد لتكوين علامات التمدد والتي تبقى لديهن هن النساء اللاتي تتولد لديهن هذه العلامات في الثدي ايضا ( عوامل وراثية )
هناك حالات لا تتولد فيها هذه العلامات نهائيا وهي تحصل في نسبة قليلة تقريبا 10% من الحوامل
عموما أن حصول هذه العلامات مرتبط بعدة عوامل منها وزن الجنين وعوامل وراثية كما قلنا وهناك من يعزوا الأسباب الى الغدة الكظرية التي تقع فوق الكلى ....ألخ
كون الأمر مرتبط بتحطم مادة الأيلاستين والتي توجد في الانسجة الرابطة في أدمة الجلد لهذا من الصعب ان تعود لحالتها الطبيعية بعد حدوث التمدد فيها نتيجة أنتفاخ البطن
وهنا أود ذكر ان بعض النساء كالممثلات قد تلجأ الى التنحيف وقلة التغذية لتجنب انتفاخ بطنها مما ينعكس سلبا على صحة الجنين.
عموما بالنسبة للعلاج فعادة لا يعطي نتائج جيدة جدا لكن نتائجه مقبولة نوعا ما
أكثر الدراسات تطرقت للعلاج ولم تتطرق الدراسات للوقاية من حصوله بسسب التخوف من تأثيرات الأدوية الجانبية على الجنين.
أحب ان أذكر ان هناك محاولات عديدة جرت باستخدام زيت الزيتون وزيت الخروع وبعض الأحماض من عصائر الفواكه وغيرها لمنع ولمعالجة هذه العلامات لكنها كلها لم تجدي اي فائدة
لهذا وعند حصول العلامات وبعد الولادة وجدت الدراسات أن استخدام مرهم 0.1% tretinoin cream وهناك من وجد بعض النتائج الحسنة في نسب أقل 0.05% tretinoin cream وهذا المرهم ينجح في الحالات المبكرة من العلامات early active striae والتي تكون ذات لون وردي باهت أو لون احمر تقريبا ولكن بسبب خطورته على الجنين لذا يحظر استعماله في الحمل لكن يمكن وبعد الولادة يتم استعماله.
أما في حالات علامات التمدد المكتملة striae albicans ذات اللون الأبيض فهناك :-
1. مستحضر مخلوط معد من التالي
(20% glycolic acid, 10% l-ascorbic acid, 2% zinc sulfate, and 0.5% tyrosine)
2. مستحضر معد من التالي
20% glycolic acid, and 0.05% tretinoin emollient cream وأسمه التجاري RENOVA
هاي المستحضرات تفيد بحالات علامات التمدد المكتملة ذات اللون الأبيض ونتائجها حلوة وجيدة وفعالة وبنسب نجاح نوعا ما متساوية.

هناك محاولات باستخدام الليزر ذو النوع التالي
(585-nm flashlamp-pumped pulsed dye laser)
وهذا النوع من الليزر غالي نوعا ما وماأتوقع عدنا متوفر بمعاهد الرشاقة والجمال
لكن بلبنان متوفر
وعموما نتائج العلاج بالليزر هية كلها محاولات فردية خجولة وهيجي تكدرين تعرفين قصدي شنو
هاي بالنسبة لعلاج الليزر

لكن هنا دراسة اعطت نتائج جيدة من خلال العلاج بهذا النوع من الليزر مع مستحضر او مرهم ال RENOVA اي المرهم مع جلسات العلاج بالليزر

عموما بالأخير لا يوجد علاج لحد الان يمنع حدوث العلامات وكما تلاحظين كل العلاجات للعلامات بعد حصولها او أكتمال حدوثها
تدللين أختنا وأن شاء الله الشفاء
يالنسبة للشطر الثاني بعدين أجاوب من يجيني الرد على سؤالج
لأن سألتلج على توفر علاج الليزر بالعراق ونشوف

سمو الاميرة
, Sun, 07 Jun 2009 18:42:51 +0200
ما اعرف شاحجي حتى كلمات الشكر ما تكفي ولا توفي حقك
الف الف شكر على الشرح الرائع راح اكتب اسماء المستحضرات واحاول احصلهم ومن اشوف اكو نتائج ان شاء الله ارد عليك بالمناسبة اكو بمدينتي علاج بالليزر بمعهد تجميل هم راح اسال واشوف
حاليا حصلت منتج من شركة بالمرز الامريكية لشد الجلد والسترش مارك بزبدة الكاكاو راح اجربه لمدة شهر واشوف النتيجة
ولك دعائي بالتوفيق والنجاح بحياتك وعملك

البـــغداديـــة
, Sun, 07 Jun 2009 19:16:23 +0200
ما اعرف شاحجي حتى كلمات الشكر ما تكفي ولا توفي حقك
الف الف شكر على الشرح الرائع راح اكتب اسماء المستحضرات واحاول احصلهم ومن اشوف اكو نتائج ان شاء الله ارد عليك بالمناسبة اكو بمدينتي علاج بالليزر بمعهد تجميل هم راح اسال واشوف
حاليا حصلت منتج من شركة بالمرز الامريكية لشد الجلد والسترش مارك بزبدة الكاكاو راح اجربه لمدة شهر واشوف النتيجة
ولك دعائي بالتوفيق والنجاح بحياتك وعملك


اي بالضبط
اجيت اكولج استخدمي وانتي طلعتي تعرفي
هذا زين لابأس بي ينطي نتائج حلوة
تحياتي

daywalker
, Sun, 07 Jun 2009 21:43:54 +0200
ما اعرف شاحجي حتى كلمات الشكر ما تكفي ولا توفي حقك
الف الف شكر على الشرح الرائع راح اكتب اسماء المستحضرات واحاول احصلهم ومن اشوف اكو نتائج ان شاء الله ارد عليك بالمناسبة اكو بمدينتي علاج بالليزر بمعهد تجميل هم راح اسال واشوف
حاليا حصلت منتج من شركة بالمرز الامريكية لشد الجلد والسترش مارك بزبدة الكاكاو راح اجربه لمدة شهر واشوف النتيجة
ولك دعائي بالتوفيق والنجاح بحياتك وعملك


يمعودة مسويت غير الواجب
وهذا المنتج اللي ذكرتيه
Palmer's® Cocoa Butter Formula™ Massage Lotion for Stretch Marks
هوة بيه تاثير بواسطة مضادات الأكسدة ويعتقد أنه بيه فائدة معينة وخصوصا لمنع الحالات مو لمعالجتها
لكن ولتضوجين لسه ممعترف بيه كدواء فعال للمشكلة اللي طرحتيها


http://www.mriraq.com/vb/imagehosting/589144a2c0931004ef.gif

أما RENOVA® (tretinoin) Cream 0.5% فهو مجرب ومعترف بيه علميا خصوصا مع الكلايكوليك أسيد 20% Glycolic Acid ونتائجه معترف بيها وحلوة
تكدرين تستخدميهم كالاتي:-
كلايكوليك أسيد يفيدج منه 25 سي سي على المناطق المصابة كل يوم لمدة اسبوع
من ثم أذا مشت الأمور عال العال تكملين اسبوع ثاني ووياه RENOVA بين يوم ويوم بالليل
وبعدين تكملين RENOVA لمدة شهر وحتشوفين النتيجة.
طبعا الكلايكوليك اسيد يشد الجلد والرينوفا ينعمة وينطية لمسة خفيفة وناعمة وبراقة والاثنين ينطن نتائج فيكة .
أن شاء الله تستفادين من هاي الوصفة
هناك مستحضرات اخرى أذكرلج منها التالي :-

المستحضرات التي تستخدم لعلاج الحالة
Rodial Stretch Mark Eraser
Cellex-C Mother & Child Skin Care - Stretch Mark Cream
Mederma 50g
أما المستحضرات التي تستخدم للوقاية فهي التالي
Murad Firm and Tone Serum
Korres Guava Body Butter

لحن الحياه
, Tue, 09 Jun 2009 22:07:57 +0200
السلام عليكم


الموضوع كلش حلووووو


وعاشت ايدكم


ودوووم التوفيق يارب


واني عندي


طلب


واستشاره

لحن الحياه
, Tue, 09 Jun 2009 22:10:52 +0200
اني حاليا ادرس بكليه الطب


والكلمات صعبه عليه


فاذا امكن اريد قاموس طبي


بس كوود يتنزل ع الحاسبه


او موقع


واكوون ممنونه الكم

لحن الحياه
, Tue, 09 Jun 2009 22:19:36 +0200
اما الاستفسار

فااني صارلي فتره

حوالي شهر الى شهر ونص

كلبي يوجعني

بالبدايه جان على فترات متباعده

بس هسه لاااا

احس مثل سجينه وداخله بيه

ولمن تجيني هاي الحاله

ايدي اليسرى لو تخدر لو بعد مااكدر الزم بيها اي شي

يعني راسا يوكع الغرض منها حتى لو جان خفيف

ورقبتي تكو توجعني بس مو دائما

يعني لمن يكون كلش يوجعني

وطول الوقت دايخه

ضغطي

ساعات

105 / 60

وساعات

120 / 65

مع العلم اني وضعي الف الحمد لله والشكر مستقر

ومااعاني من اي مشاكل او ضغوطات

اسفه ع الازعاج

وشكراااااا جزيلا مقدما

daywalker
, Tue, 09 Jun 2009 22:39:35 +0200
السلام عليكم


الموضوع كلش حلووووو


وعاشت ايدكم


ودوووم التوفيق يارب


واني عندي


طلب


واستشاره




شكرا جزيلا على كلماتج الجميلة
أهلا بيج أختنا ونورتينا بالمنتدى وباب طبيب اون لاين
وبالنسبة لطلبج حاضرين وتدللين وباجر الرد يمج ان شاء الله
أما الاستفسار فحسب وصفج الدقيق يجوز عندج مانسميه بتهدل الصمام الاكليلي
وهية شغلة عادية وبسيطة ومتخوف وعلى الأكثر ماكو شي اصلا وبكل الاحوال الامور مطمنة
للأستفسار اكثر ممكن تكتبين أسألتج برسالة خاصة
وان شاء الله حكتبلج توضيح اكثر برسالة خاصة عالموضوع
تحياتي وتقديري

daywalker
, Wed, 10 Jun 2009 00:24:25 +0200
اني حاليا ادرس بكليه الطب


والكلمات صعبه عليه


فاذا امكن اريد قاموس طبي


بس كوود يتنزل ع الحاسبه


او موقع


واكوون ممنونه الكم


هذا لنك لموقع اون لاين يترجملج مصطلحات طبية من الأنكليزي للعربي وتدللين
أضغطي على الجملة باللون الاحمر وحينطيج اللنك

Online medical Dictionary (http://www.6abib.com/med/)

وأذا عندج موبايل دمعة لو دب nokia 7610 أو nokia 6600
فهاي قواميس تتنصب على هاي الموبايلات كلش رووعة اني لحد هسة استخدمهن
وراح تلكيهن جوة وية الملفات المرفقة لهاي المشاركة

واذا تحبين اشتري قاموس حتي الطبي الاصلي مو المستنسخ
أو المعجم الطبي الموحد
وبالنسبة للحاسبة قاموسي الكافي والوافي رووعة بهيجي امور
تحياتي

Mustafa_96
, Wed, 10 Jun 2009 08:26:54 +0200
عاشت ايدج على الموضوع ومتقصرون بس اني ابوية طبيب

daywalker
, Wed, 10 Jun 2009 16:11:59 +0200
عاشت ايدج على الموضوع ومتقصرون بس اني ابوية طبيب


مية هلا بيك وبالوالد ومشكور على كلماتك الحلوة نيابة عن أطباء طبيب أون لاين

IraQ SaiLoR
, Wed, 10 Jun 2009 16:51:12 +0200
السلام عليكم

شلونج أختي إن شاء الله بخير
دوم يارب

عيني أريد تنطيني أسماء الأغذية التي تحتوي على فيتامين بي

وسولفيلي شنو قصة هاي الحبوب اسمها Neurobion

تحياتي

daywalker
, Wed, 10 Jun 2009 20:18:44 +0200
مرحبا اتمنى تكونون بخير
الدوالي الاوردة العنكبوتية شنو علاجها وهل العلاج بالليزر يفيد واكو هيج تقنية بالعراق
واسفة اذا اكثرت من اسئلتي
وتحياتي لحضرتكم


بالنسبة للاوردة العنكبوتية أحب اكولج راح يتم مناقشة هذا الموضوع
ببرنامج doctors وهو برنامج أمريكي مترجم يبث على قناة mbc4
وراح يتحدثون بحلقة يوم السبت عن الأوردة العنكبوتية
الحلقة تبث يوم السبت القادم 13-6-2009 الساعة السابعة مساءا بتوقيت العراق
على قناة ال mbc4
ويبقى جواب العلاج الليزر منتظر الرد عليه من مصادري وتدللين

البـــغداديـــة
, Wed, 10 Jun 2009 21:43:51 +0200
وعليكم السلام ورحمة الله وبركاته
هلو ورده
اني بخير
انت شلونك ان شالله مرتاح وبصحه وعافيه
بالنسبة لفيتامين B
يعمل فيتامين B على تنشيط وظائف الإنسان الذهنية والخلايا العصبية ويساعد على التفكير بوضوح ويحافظ على الهدوء والاتزان ويحمي صحة الجلد والعضلات . وعدم الحصول على ما يكفي من مجموعة فيتامين B يعرض الإنسان لأخطار صحية كبيرة كفقدان الذاكرة وهشاشة العظام والكثير من الأمراض الأخرى . لهذا يجب المحافظة على تناول الأغذية الغنية بهذا الفيتامين لضمان حصول الجسم على كميات كافية منه .

وفيما يلي عرض لأهم الأغذية التي تحتوي على مجموعة فيتامين B :


- الأطعمة الغنية بفيتامين B1 هي الشعير والعدس والأفوكادو وسمك السلمون وفول الصويا ونخالة القمح .
- الأطعمة الغنية بفيتامين B2 هي الكبد والشعير والفطر والحليب ونخالة القمح والجبن .
- الأطعمة الغنية بفيتامين B3 هي العدس والأفوكادو والفستق ونخالة القمح .
- الأطعمة الغنية بفيتامين B5 هي الأفوكادو والعدس والكبدة والفطر ونخالة القمح .
- الأطعمة الغنية بفيتامين B6 هي الشعير والموز والعدس وسمك السلمون ونخالة القمح .
- الأطعمة الغنية بفيتامين B7 هي خميرة البيرة والكبدة والشوفان .
- الأطعمة الغنية بفيتامين B9 هي العدس والكبدة والقرنابيط والبرتقال ونخالة القمح .
- الأطعمة الغنية بفيتامين B12 هي خميرة البيرة والكبدة ولحم البقر والجبن وسمك السلمون والحليب .
وفي النهاية يمكننا وضع نخالة القمح في المرتبة الأولى ضمن هذه الأغذية لغناها بمعظم مجموعة فيتامين B وهو الفيتامين الضروري والهام لجسم الإنسان والذي لا يمكن الاستغناء عنه وخاصة بالنسبة للنساء والرياضيين وكبار السن والنباتيين لفوائده الكبيرة التي لا حصر لها ..



اما بالنسبة لـ Neurorubine_forte السويسري شركة mepha واللي مكوناته عبارة عن Vitamins B1+B6+B12 هذا ينصرف كدواء مساعد لألام الاعصاب (بالعامية كمقوي اعصاب ) واللي يعانون من خدر الاطراف (تنمل اليدين والرجلين ) والجرعه حبة وحده باليوم ومرات حبايتين حسب حالة المريض
بس يكون تاخذ الاصلي الشركة الذكرتها

وماعندك الا العافيه
تحياتي وتقديري

سمو الاميرة
, Wed, 10 Jun 2009 22:18:57 +0200
مساء الخير غاليتي
حبيت اقرا الردالسابق والمعلومات عن فيتامين bوحبيت اسال كثير نسمع عن خميرة البيرة واو حبوب خميرة البيرة لكن بصراحة ما اعرف شنو هي وين ممكن نحصلها وشكرا

IraQ SaiLoR
, Thu, 11 Jun 2009 09:44:12 +0200
اما بالنسبة لـ neurorubine_forte السويسري شركة mepha واللي مكوناته عبارة عن vitamins b1+b6+b12 هذا ينصرف كدواء مساعد لألام الاعصاب (بالعامية كمقوي اعصاب ) واللي يعانون من خدر الاطراف (تنمل اليدين والرجلين ) والجرعه حبة وحده باليوم ومرات حبايتين حسب حالة المريض
بس يكون تاخذ الاصلي الشركة الذكرتها

هم أله تأثيرات عالجسم موزينه إذا أبلع يوميه وحده وشوكت ابلع الصبح الظهر بالليل بعد الاكل قبل الاكل

تحياتي

لحن الحياه
, Thu, 11 Jun 2009 18:09:30 +0200
شكرا جزيلا وماقصرت كفيت ووفيت والله

وربي يوفقك دنيه واخره

تحياتي

لحن الحياه

daywalker
, Thu, 11 Jun 2009 20:50:49 +0200
شكرا جزيلا وماقصرت كفيت ووفيت والله

وربي يوفقك دنيه واخره

تحياتي

لحن الحياه


العفو دكتورة هذا واجبنا وأنت تعرفين
ربي ان شاء الله تتخرجين وتشاركينا هنا بهذا الباب ونستفاد من خبرتج
بالتوفيق ياربي

CuTe AsO
, Fri, 12 Jun 2009 12:35:20 +0200
صباح... مساء /الخير

عندي استفسار عن الالم إلي يصير
بالضهر كلما أتعب أحس بأبر عبالك تصير بضهري
وبنفس الوقت تأثر على عضلات الرجل

ممكن أعرف شنو علاجها ؟؟

daywalker
, Fri, 12 Jun 2009 13:59:23 +0200
صباح... مساء /الخير

عندي استفسار عن الالم إلي يصير
بالضهر كلما أتعب أحس بأبر عبالك تصير بضهري
وبنفس الوقت تأثر على عضلات الرجل

ممكن أعرف شنو علاجها ؟؟



أهلا بيج أختنا
بالنسبة لاستفسارج فالام الظهر هية بصورة عامة نتيجة الأجهاد
لازم تعرفين انوا الام الظهر اللي تصير هية فد شي شائع جدا جدا
وعادة تاخذ فترات طويلة وتزيد او ترجع وية التعب وتقل بالراحة
المهم بالام الظهر اذا صاحبها خدر بالقدمين او صعوبة في رفع القدمين اثناء المشي أو متحسين برجليج.
يعني مثلا أثناء المشي متحسين بالخفين برجليج او يفلت الخف من رجلج بدون متحسين بيه.
أيضا من العلامات المهمة بالام الظهر الالام اللي تصير بالقدمين واللي تنزل بالرجلين مثل الكهرباء فجاة.
كذلك من العلامات المهمة بالام الظهر أشتداد الألم عند النوم وعدم القدرة على التحرك صباحا لمدة ساعة من الالام.
بصورة عامة الام الظهر فد شي كلش شائع وكلنا عدنا ولتخافين منها
العلاجات
يفيدج حبوب النابروكسين ابو ال 500 ملغم بس شرط معندج ربو او مشاكل بالمعدة
وبهاي الحالة تكردين تستخدمين حبوب painstop الاصلية هاي متأثر عالمعدة والربو
وبصورة عامة تفيدج لصقة جونسون هاي تنحط عالظهر كلش فعالة لالام الظهر
وتفيدج كمادات الماء الحار.
ومو تكعدين تبطلين شغل بالعكس استمري عادي بشغلج بس قللي منه ولترفعين شي ثكيل.
بالمناسبة الألم اذا بقة اكثر من ستة اسابيع تكدرين تراجعين طبيب وراها لزيادة الاحتياط
ان شاء الله العافية

البـــغداديـــة
, Fri, 12 Jun 2009 20:01:17 +0200
هم أله تأثيرات عالجسم موزينه إذا أبلع يوميه وحده وشوكت ابلع الصبح الظهر بالليل بعد الاكل قبل الاكل

تحياتي
اذا عندك ضعف عام يعني تحس ايدك ترجف او مفاصلك تأذيك اخذ يومية وحده بعد الاكل ويفضل ورة الغده
وماكو اي مشكله استخدمه لمدة شهر

البـــغداديـــة
, Fri, 12 Jun 2009 20:28:36 +0200
مساء الخير غاليتي
حبيت اقرا الردالسابق والمعلومات عن فيتامين bوحبيت اسال كثير نسمع عن خميرة البيرة واو حبوب خميرة البيرة لكن بصراحة ما اعرف شنو هي وين ممكن نحصلها وشكرا

مساء الخيرات ورده
سويت search بالكوكال ولكيت هاي المعلومات

خميرة البيرة عبارة عن خميرة تختلف عن الخميرة العادية (خميرة العجين)
هاي الخميرة مفيدة لعدة اشياء:

1 تفيد البشرة تنطي نقاوة مو طبيعية للبشرة
2 تفيد الشعر وتمنع تساقطة
3 تساعد في زيادة الوزن شلون اذا رتي ان تسمنين عزيزتي تاخذيهة بعد الاكل وذا ردتي تضعفين تاخذية قبل الاكل وراح تشوفين النتيجة
4 تنشط الدورة الدموية للجسم النتيجة راح تحصلين علة بشرة حلوة كلش ونقية وشعر كلش حلو وبراق وزيادة او نقصان بالوزن بس لازم تستمرين عليهة ثلاثة اشهر متتالية

المفروض تنباع بالصيدليات
بس ابغداد بالمذاخر مشايفتها بصراحه
عالاكثر تلكيها عند المعشبين
وهواي انواع ومناشئ بيها
شوفي المنشأ الافضل الالماني حسب اعتقادي
وان شالله تستفادين منها
تحياتي الج ورده

THE POISON K!SS
, Sat, 13 Jun 2009 14:20:24 +0200
موضوع وفكره كلش حلوه ومفيده بارك الله بيكم

بس سؤال يعني اغير جو بيه هههه
مممم مايكروفلكس والانتي بايتك والسبروفلوكساسين شنو الفرق بيناتهم اوهع هههههههههه اتشاقه والله
تحياتي الكم
زين ياشركه احسن mepha لو سامرا خخخخخ راح انعلس بمهدئ + حقنه مال حصوين ههههه حتى امعد راحه اوهع

البـــغداديـــة
, Sat, 13 Jun 2009 14:35:10 +0200
تحشيشة حلوة منك
زين دتقارن بين ميفا وسامراء بالسعر لو النوعية
اذا السعر اكيد سامراء اريح للجيب *_^

daywalker
, Sat, 13 Jun 2009 14:43:34 +0200
موضوع وفكره كلش حلوه ومفيده بارك الله بيكم

بس سؤال يعني اغير جو بيه هههه
مممم مايكروفلكس والانتي بايتك والسبروفلوكساسين شنو الفرق بيناتهم اوهع هههههههههه اتشاقه والله
تحياتي الكم
زين ياشركه احسن mepha لو سامرا خخخخخ راح انعلس بمهدئ + حقنه مال حصوين ههههه حتى امعد راحه اوهع


بارك الله بيك أنت هم ياورد
والله مثل مكالت مس فرماسست
بس تدري سامرا القديم جان والله مو طبيعي وكولش زين
بلكت الله يرجع سامرا القديم

البـــغداديـــة
, Sat, 13 Jun 2009 15:01:38 +0200
مشكلة ادوية سامراء انه دتنطي امتياز لغير معامل وهاي مو بكفاءة سامراء بينما الكريمات والمراهم بعدها اغلبها سامراء لهذا زينة وتشتغل

Mustafa_96
, Tue, 16 Jun 2009 15:06:50 +0200
شكرآ على الموضوع
وننتظر مواضيعج المميزة
شكرآ

Mustafa_96
, Tue, 16 Jun 2009 15:22:20 +0200
شكرآ على الموضوع وعاشت ايدك
وننتظر مواضيعك المميزة

تحياتـــــــــــــــــــــــــــــــــــــــــــــ ـــــــــــــي

البـــغداديـــة
, Tue, 16 Jun 2009 20:43:54 +0200
اي تدلل

daywalker
, Sun, 21 Jun 2009 18:47:31 +0200
شكرآ على الموضوع
وننتظر مواضيعج المميزة
شكرآ


تسلم ياوردة نيابة عن الجميع

♥ றiṧŠ ● ρỉňқ ♥
, Tue, 23 Jun 2009 19:20:03 +0200
اذا ممكن اريد الاطعمه المخصصه لمرضى الدزانتري الرضع

daywalker
, Tue, 23 Jun 2009 20:53:30 +0200
اذا ممكن اريد الاطعمه المخصصه لمرضى الدزانتري الرضع


أهلا بيج أختنا
بالنسبة للي ذكرتيه بطلبج
ماكو شي محدد
للأطفال دون الشهرين يكفي زيادة الرضاعة للطفل نسبة 30% من عدد الرضعات
أو حسب حاجة الطفل
للاطفال الرضع الأكبر سنا أعطاء محلول الدكسترولايت ينفع
طريقة استعماله واضحة جدا على العبوات
أو أي سوائل معدة من حساء الحبوب مثل ماء الرز وغيرها
هدفج الرئيسي هو منع الجفاف لدى طفلج
لا يوجد نهائيا طعام معين لمرضى الدزنتيريا الأطفال وغير الاطفال
المهم تلاحضين علامات شدة المرض لدى طفلج وهي :-
نحول عام وقلة الحركة, حمى مستمرة, خمول وعدم رضاعة مع نوم مستمر, اسهال دموي, اٍسهال شديد لا يتوقف خلال 3 أيام.
أن شاء الله العافية مقدما

♥ றiṧŠ ● ρỉňқ ♥
, Wed, 24 Jun 2009 17:10:06 +0200
تسلم ع المساعده اني علمود بت اختي عمرهه سنه وشهرين

daywalker
, Wed, 24 Jun 2009 20:44:20 +0200
تسلم ع المساعده اني علمود بت اختي عمرهه سنه وشهرين


تدللين أختنا
Ca ne fait rien

BlαcK Pr!nce
, Fri, 26 Jun 2009 11:28:01 +0200
ألسلام عليكم أعاني من نبضات سريعه مستمره تحت ألجلد بين فتره وأخرى يمكنني مشاهدتها أرجوا ألرد ألسريع

daywalker
, Fri, 26 Jun 2009 17:18:29 +0200
ألسلام عليكم أعاني من نبضات سريعه مستمره تحت ألجلد بين فتره وأخرى يمكنني مشاهدتها أرجوا ألرد ألسريع


وعليكم السلام
بالنسبة لحالتك أريد أعرف بيامكان بجسمك تصير عندك؟
وعمرك شكد؟
وبالنسبة الك شلون شاهدتها اول مرة؟
يعني قصدي شاهدتها عن طريق الصدفة لو حسيت بيها؟
وشكد تطول ؟
عموما لتخاف منها لان اذا انت تحس بيها من تجيك فهية متخوف؟
والحالة اللي ذكرتها مثل موصفتها بالضبط هية عبارة عن تقلص للعضلات
وهذا التقلص يحدث بصورة لا ارادية
وهوة فد شي عادي وميخوف ويصير بجزء من العضلة لهذا يبين هيجي
ومدام تحس بيه من يجيك فلا تخاف ابد ولا تفكر بيه
وعموما نفكر بيه يعود لاسباب مرضية اذا كان كالاتي :-
متحس بيه يعني تشوفه بالصدفة, يصاحبه ضمور في العضلات اللي بالمنطقة, أو أن يكون في مناطق متعددة من الجسم.
رايي هوة انت من النوع اللي ميخوف لان اني اعتقد على الاكثر أنت حسيت بيه . صح ؟
واذا عندك استفسار ثاني تدلل.
بس هالمرة الرد مو سريع . ههههههههههههه
تحياتي وماكو غير العافية

shooshoo♥
, Fri, 26 Jun 2009 17:53:25 +0200
بس عندي استفسار امي مريضه عدها التهاب بايدها وعنده كحه كولش قويه يعني مرات تختنك

وراحت للطبيب كال هذا من وره الالتهاب هي عدها سوفان

بعد ما اعرف
بس اريد اعرف اله علاقه لو لا

daywalker
, Fri, 26 Jun 2009 18:15:20 +0200
بس عندي استفسار امي مريضه عدها التهاب بايدها وعنده كحه كولش قويه يعني مرات تختنك

وراحت للطبيب كال هذا من وره الالتهاب هي عدها سوفان

بعد ما اعرف
بس اريد اعرف اله علاقه لو لا


والله ماأفتهمت عليج بالضبط !!!! ؟؟؟؟
لكن ردت اعرف شنو نوع الالتهاب اللي بايدها
يعني بالمفصل ؟ ويبيامفصل بالضبط ؟
أو هوة بالانسجة الرخوة لليدين ؟
او هوة التهاب بأعصاب اليد ؟
أو هوة الم منتقل من الرقبة ومو التهاب حقيقي ؟
لان هوة ألتهاب المفاصل ماأله علاقة بالعطاس أو السعال ( قصدي سوفان المفاصل )
وضحيلي اكثر وتدللين
وماعدها غير العافية

البـــغداديـــة
, Fri, 26 Jun 2009 20:10:18 +0200
الف شكر دكتور عالاجوبة الحلوة ومتابعة موضوع طبيب اون لاين
مدتقصر ابد
الله يحفظك

BlαcK Pr!nce
, Fri, 26 Jun 2009 21:02:01 +0200
تسلم ورحم ألله والديك وصحيح أحس بيه وهي تحدث باماكن متعدده بالجسم وعمري 15

daywalker
, Sat, 27 Jun 2009 00:36:46 +0200
الف شكر دكتور عالاجوبة الحلوة ومتابعة موضوع طبيب اون لاين
مدتقصر ابد
الله يحفظك


عفوا أن شاء الله نكون عند حسن الظن
شكرا مشرفتنا الوردة

daywalker
, Sat, 27 Jun 2009 11:07:39 +0200
تسلم ورحم ألله والديك وصحيح أحس بيه وهي تحدث باماكن متعدده بالجسم وعمري 15


عيوني تدلل
هاي الامور الها علاقة بالادرينالين وغيره من الهرمونات الحادة
عادة تصير عند العصبيين ........ يمكن انت عصبي .... يجوز ؟
تحياتي

BlαcK Pr!nce
, Wed, 01 Jul 2009 19:26:36 +0200
ألسلام عليكم أبي يعاني من تضخم في عضلات ألقلب وهو ياخذ حبوب ضد ألضغط من تقريبا سنه يعاني ألان من أرهاق شديد خفقان سريع في ألقلب أذا قام باقل جهد ما سبب ألارهاق عمره 60 سنه

daywalker
, Wed, 01 Jul 2009 20:24:41 +0200
ألسلام عليكم أبي يعاني من تضخم في عضلات ألقلب وهو ياخذ حبوب ضد ألضغط من تقريبا سنه يعاني ألان من أرهاق شديد خفقان سريع في ألقلب أذا قام باقل جهد ما سبب ألارهاق عمره 60 سنه



هلوووووو ياوردة أن شاء الله مشافى والدك
بالنسبة للي ذكرته مصطلح تضخم عضلة القلب مصطلح واسع
المشكلة هواي يستخدموه لمعاني ودلالات مختلفة
المهم مدام عنده هيج اعراض يحتاج مناقشة حالته بالتفصيل اكثر
اني أن شاء الله ارسلك التفاصيل بمسج خاصة
عموما هنا نفكر بالتالي :-
1. وجود ذبحة قلبية مستقرة أو غير مستقرة
2. أعراض جانبية دوائية
3. حصول عجز القلب
4. وجود لانظمية في ايقاع القلب
5. وجود مشاكل طبية اخرى مرافقة للحالة مثل فرط نشاط الغدة الدرقية ( ولو هوة كونه ذكر لهذا منخليها أول شي لان هوة مرض للاناث عادة لكن مرات بعض الادوية هم تسوي مشاكل بوظائف الغدة الدرقية )
6. احتمال وجود التهابات او أمراض مصحوبة بحمى بهاي الفترة
عموما أني افهمك بمسج خاصة وتدلل .

الهاشمية
, Thu, 02 Jul 2009 16:58:05 +0200
:23u5r3d::23u5r3d:مرحبا اريد معلومات عن مرض اليوريك اسد وشكرا

daywalker
, Thu, 02 Jul 2009 19:23:33 +0200
:23u5r3d::23u5r3d:مرحبا اريد معلومات عن مرض اليوريك اسد وشكرا



السلام عليكم اختنا
تقصدين أنت مرض ارتفاع اليورك اسيد في الدم اللي هوة نسميه داء النقرس
أضغطي هنا للمعلومات عن المرض ( أضغطي على داء النقرس )
داء النقرس (http://www.sehha.com/diseases/metabolic/Gout.htm)
أذا عندج استشارة طبية أو غير استفسار تكدرين تكتبيلنا من جديد
تحياتي وأمنياتي بالصحة والعافية

IraQ SaiLoR
, Sun, 05 Jul 2009 14:45:07 +0200
هلو بغدادية شلونج إن شاء الله بخير

أكولج عيني النيوروبين استخدمته 20 يوم وكله بعد الغده اخذته

يصير استخدم آخلا 10 حبايات قبل الأكل لو أله بعد الأكل

تحياتي

البـــغداديـــة
, Sun, 05 Jul 2009 19:02:09 +0200
هلو ورده
ليش تريد قبل الاكل؟
يفضل بعد الاكل حتى الدوة ميأثر على معدتك

IraQ SaiLoR
, Mon, 06 Jul 2009 07:34:07 +0200
اوكي
يعني شهر كامل يكفي مو
؟؟

البـــغداديـــة
, Mon, 06 Jul 2009 20:01:39 +0200
حسب حالتك اذا بشهر صرت زين عالحبوب هايهية ميحتاج تكررها
بس اذا لا والله حسيت نفسك بعدك تعاني من التعب والارهاق
انصحك تاخذ B12 ampule IM بالعضله خمس أبر بين يوم واخر
تحياتي

IraQ SaiLoR
, Wed, 08 Jul 2009 16:46:05 +0200
وصلت للأبر يبوووووووووو
اتخبل منه لو اوصل للموت ما اضرب اي ابره اني تحليل ماسوي عاد ابره يمه


بطلت هي شهر كافيه ههههههه
واذا هاي استمر 3 اشهر
مو؟

عندي شغلة لخ
آني راح أسافر أسبوع القادم بالطياره هذيج المرة سافرت بالطياره كامت تلعب نفسي وردت اذب من راسي ودخت فد مره لزمت الجي مال زواع وكدت ههههههه بس اني الوحيد بالطياره هيج وبالباخره بالبحر نفس الشي كمت اخوع وهالسوالف ولعبان نفس وحتى لغينه الرجعه بالطياره من ورايه ههههه
فكالولي أكو حبوب تبلعها قبل متركب الطياره او الباخره بعد ما تلعب نفك ولا تدوخ ممكن كوليلي شن يوشوكت ابلعها اي قبل شكم ساعه قبل ما اركب الطياره والباخره

تحياتي

البـــغداديـــة
, Fri, 10 Jul 2009 20:25:14 +0200
آني راح أسافر أسبوع القادم بالطياره هذيج المرة سافرت بالطياره كامت تلعب نفسي وردت اذب من راسي ودخت فد مره لزمت الجي مال زواع وكدت ههههههه بس اني الوحيد بالطياره هيج وبالباخره بالبحر نفس الشي كمت اخوع وهالسوالف ولعبان نفس وحتى لغينه الرجعه بالطياره من ورايه ههههه
فكالولي أكو حبوب تبلعها قبل متركب الطياره او الباخره بعد ما تلعب نفك ولا تدوخ ممكن كوليلي شن يوشوكت ابلعها اي قبل شكم ساعه قبل ما اركب الطياره والباخره

تحياتي

اي بسيطه
تصير هالسالفه مو بس عندك هواي هيج
قبل متصعد اي مركبة سواء سيارة او طيارة او اي شي اخذ حباية Novadoxine اخذها قبل الاكل بنصف ساعه او قبل موعد السفر بنصف ساعه(عند الحاجه) تكدر تاخذها ورة 3 ساعات او اربعه حسب حاجتك للحباية وعادة هاي الحبوب تقلل النعاس وتخليك مصحصح

كنصيحه حتى تقلل هالدوخه اللي تصير عندك
1- قلل حركتك بالسفر واتمدد وغمض عينك
2- اشرب كل شوية ماي كلش بارد وبجرعات قليله
3- افرك اطراف اصابع
4- اكل وجبة اكل كلش خفيفه قبل ساعه من السفر مو تسافر وانت مماكل شي
5- بالسفر اتجنب تاكل او قلل اكلك حتى لتنمغل

وماعندك الا العافيه

IraQ SaiLoR
, Sat, 11 Jul 2009 10:47:54 +0200
أهااا
زين كالو بس تشرب هالحبايه تصعد طياره باخره معليك شي متح بعد باي شي بس بالطياره والباخره صارت عندي بس بالسياره لا مصار عندي شي وهه اجر القطار مغامر اني ههههههه الف شكر وانتظر ردج

امير الرافدين
, Sat, 11 Jul 2009 16:56:45 +0200
السلام عليكم ممكن اعرفها التحاليل مال شنو ارجوكم :
f.b.s
t.g.
bl.urcn
s.umiaul
هذا الاميل مالتي karar_iraq97@yahoo.com
بس ارجوكم اريد اعرفهن بسرعة بلكت اليوم ارجوكم

توتي
, Sat, 11 Jul 2009 19:56:38 +0200
السلام عليكم شكرا جزيلا علموضوع
وبصراحه اتمنى منكم احد يساعدني مشكلتي هي وبدون احراج رحت قبل فتره دااخطب بنيه
بس صادفتني شغله ام لبنيه كالت اني ماعندي مانع بس مااكدر اضم عليكم بنتي قبل سنتين سوت عمليه جان عده كيس علا احد المبيضين وتم رفعه وكانت التحاليل بعد العمليه نظيفه .....بصراحه اني متخوف هل هذا الشي يمنع البنت من الانجاب ممكن احد يرد علا سوالي ولكم جزيل الشكر.اني معرفت وين اكتب الموضوع اسف اذا المكان مومناسب

daywalker
, Sat, 11 Jul 2009 23:17:45 +0200
السلام عليكم شكرا جزيلا علموضوع
وبصراحه اتمنى منكم احد يساعدني مشكلتي هي وبدون احراج رحت قبل فتره دااخطب بنيه
بس صادفتني شغله ام لبنيه كالت اني ماعندي مانع بس مااكدر اضم عليكم بنتي قبل سنتين سوت عمليه جان عده كيس علا احد المبيضين وتم رفعه وكانت التحاليل بعد العمليه نظيفه .....بصراحه اني متخوف هل هذا الشي يمنع البنت من الانجاب ممكن احد يرد علا سوالي ولكم جزيل الشكر.اني معرفت وين اكتب الموضوع اسف اذا المكان مومناسب


أهلا بيك اخي وشكرا على مشاعرك النبيلة
بالنسبة للموضوع ببساطة حتى لو العملية دمرت المبيض كاملا
فوجود مبيض واحد يحل كل المشكلة وماكو داعي للقلق ( اقصد المبيض في الجهة الثانية )
لكن المهم هوة نتيجة التحليل النسيجي التي تم اجرائها للجزء الذي تم رفعه من المبيض
مثلا هل كام ورما ( حميدا او خبيثا )
هل كانت عبارة عن نمو نشط هرمونيا
هل حصلت اضطرابات في الدورة الشهرية للمريضة قبلها او بعدها
وهل هي الان على علاج مستمر
( هذه اسئلة تحتاج لاجابة من عندك )
وتكدر ترسلها بمسج خاصة
ببساطة منكدر نكولك بدون التحليل النسيجي
لكن هم ببساطة لو تضمن أن مشكلتها انتهت برفع هذا الكيس
معناها لتخاف ابدا فوجود مبيض واحد يكفي ( اقصد الجهة الثانية )
وعموما الاكياس على المبايض تكون حميدة وعادة غير نشطة هرمونيا
ومدام تكول نظيف فلا تخاف ابدا
لكن تحتاج تتاكد احسن
اني حجيت هذا الحجي لان المستشار مؤتمن ( وهذا حجيي من باب الأمانة )
ولازم اذكرلك حتى الاحتمالات الضعيفة لان انت تستشير مو تسال.
عموما ان شاء الله الاخبار زينة وتتم بخير شغلتكم
تحياتي

احباب الروح..بغداديه
, Sat, 11 Jul 2009 23:19:51 +0200
اذا ممكن اخذ رايكم بهالحاله
لشخص عمره 24 سنه يعاني من تعب وارهاق ودوخه لبعض الوكت
ويحس بألم بجهة القلب وتخدر اديه اليسره والم بجهته اليسره والام الراس
يعاني بعض الاحيان من نزف من الانف ..
سوى تحاليل وتخطيط قلب وكل الفحوص الكامله وطلعت سليمه مابيها شي
بس الي اشك بيه القولون واستبعد مرض القلب او تعب بشرايين القلب هاي بالنسبه لمعلوماتي
واتمنى استفاد من معلوماتكم ونصيحتكم

daywalker
, Sat, 11 Jul 2009 23:27:37 +0200
اذا ممكن اخذ رايكم بهالحاله
لشخص عمره 24 سنه يعاني من تعب وارهاق ودوخه لبعض الوكت
ويحس بألم بجهة القلب وتخدر اديه اليسره والم بجهته اليسره والام الراس
يعاني بعض الاحيان من نزف من الانف ..
سوى تحاليل وتخطيط قلب وكل الفحوص الكامله وطلعت سليمه مابيها شي
بس الي اشك بيه القولون واستبعد مرض القلب او تعب بشرايين القلب هاي بالنسبه لمعلوماتي
واتمنى استفاد من معلوماتكم ونصيحتكم



أهلا اختي
الاعراض اللي ذكرتيها هية تشابه اعراض تهدل الصمام الاكليلي
وهذا مامعناه مو فد شي يخوف
واحتمال اصلا ماكو شي نهائيا
بالنسبة للرعاف المتكرر مااتصور اله علاقة بالموضوع
عموما اريد ترسلين تحاليله بمسج خاصة
نشوف شمسوي من تحاليل ونقرر بعدها
تحياتي وماكو غير العافية لمريضج مقدما

توتي
, Sun, 12 Jul 2009 18:34:34 +0200
السلام عليكم
شكرا علا الموضوع والله يجازيكم خير علا مساعده الناس

البـــغداديـــة
, Sun, 12 Jul 2009 20:49:15 +0200
أهااا
زين كالو بس تشرب هالحبايه تصعد طياره باخره معليك شي متح بعد باي شي بس بالطياره والباخره صارت عندي بس بالسياره لا مصار عندي شي وهه اجر القطار مغامر اني ههههههه الف شكر وانتظر ردج


مو كل شي نسمعه يكون صحيح
هذا دوا يحتاج فترة حتى ينطي التأثير المطلوب هو مو سحر حتى بلحظتها
مثل مكتلك اخذ Novadoxine والنصائح همين
وان شالله خير

البـــغداديـــة
, Sun, 12 Jul 2009 22:00:46 +0200
السلام عليكم ممكن اعرفها التحاليل مال شنو ارجوكم :
f.b.s
t.g.
bl.urcn
s.umiaul
هذا الاميل مالتي karar_iraq97@yahoo.com (karar_iraq97@yahoo.com)
بس ارجوكم اريد اعرفهن بسرعة بلكت اليوم ارجوكم


وعليكم السلام ورحمة الله وبركاته
اوكي ورده بسيطه هسة اكولك شنو كل وحده
F.B.S=fasting blood sugar يعني تحليل السكر وانت صايم بعد 12 ساعه من الاكل (عادة الصبح عالريك )

"T.G =Triglyceride less than 165mg/dL "1.9 mmole/L
وهو ايضا يفيدنه للدلاله عن كثير من الامراض من ضمنها امراض الغدة الدرقيه وارتفاع ضغط الدم ومؤشر عن نسبة الدهون وهواي امراض بعد...

Bl.urea = 8-25mg/dL "2.9-8.9mmole/L
is directly related to the metabolic function of the liver and excretory function of the kidneys so it serves as an indexfor the function of these organs
مختصر مفيد bl.urea ينطي فد دلالة عن عمل الكلية والكبد

بس اتأكدلي من املاء اخر تحليل حتى اكولك مال شنو هذا

:f_th340m_174b52f:

daywalker
, Mon, 13 Jul 2009 13:02:41 +0200
السلام عليكم
شكرا علا الموضوع والله يجازيكم خير علا مساعده الناس


أهلا بيك اخي وشكرا على مشاعرك النبيلة
وتدلل

hameedmisan
, Tue, 14 Jul 2009 17:24:49 +0200
السلام عليكم اني اخوكم حميد من العماره بعد اخذ اشعة الرنين اخبرني الطبيب بضرورو عمل عمليه لازالة قسم من الغضروق بصراحه اني اخاف اسوي العمليه ممكن اي احد بالمنتدى عنده مغلومات تفيدني او اتصل ياي طبيب من خلال المنتدى (طبيب خاص بالعمود الفقري)
ولكم التقدير

daywalker
, Tue, 14 Jul 2009 17:38:46 +0200
السلام عليكم اني اخوكم حميد من العماره بعد اخذ اشعة الرنين اخبرني الطبيب بضرورو عمل عمليه لازالة قسم من الغضروق بصراحه اني اخاف اسوي العمليه ممكن اي احد بالمنتدى عنده مغلومات تفيدني او اتصل ياي طبيب من خلال المنتدى (طبيب خاص بالعمود الفقري)
ولكم التقدير


هلوووو اخي
اذا الرنين موجود عندك صورة فنزله بمسج خاصة بعد متحملة على حاسبتك
واذا عندك السي دي فأضغطلي الفولدر اللي بيه الرنين ودزه بمسج خاصة
واني اردلك خبر بالسرعة الممكنة
كولي من راح يشتغل عمليتك ؟ ياأخصائي ( شنو أسمه )

BeSoOoOo
, Thu, 16 Jul 2009 00:23:33 +0200
شونك حب

عندي سؤال يخص العدسات الطبية اذا متصير زحمه

شكو عدسات شنو انواعها , كلولي على عدسات لزكة لو مدري شنو يسووها بالمستشفيات
واكو هاي الي تكدر اتشيلها ياهيه الاحسن وشنو الفرق

واني درجتي 3 (نظري-قصر) وكلولي عدسات ام 3درجات تصير خشنة وتجرح العين هوايه كلولي بس رحت للحارثية على ابن خلدون ابو النظارات كلي ذوله بكيفهم يحجون العدسة متأذي العين, انت شتكول تأذي لو لاء

وشكرا حب واذا متكدر اتساعدني اني اسف عالازعاج

daywalker
, Thu, 16 Jul 2009 01:36:25 +0200
شونك حب

عندي سؤال يخص العدسات الطبية اذا متصير زحمه

شكو عدسات شنو انواعها , كلولي على عدسات لزكة لو مدري شنو يسووها بالمستشفيات
واكو هاي الي تكدر اتشيلها ياهيه الاحسن وشنو الفرق

واني درجتي 3 (نظري-قصر) وكلولي عدسات ام 3درجات تصير خشنة وتجرح العين هوايه كلولي بس رحت للحارثية على ابن خلدون ابو النظارات كلي ذوله بكيفهم يحجون العدسة متأذي العين, انت شتكول تأذي لو لاء

وشكرا حب واذا متكدر اتساعدني اني اسف عالازعاج


ميه هلا بيك
رح أسأللك واردلك خبر
فد شكم يوم أن شاء الله اردلك الجواب
تحياتي من جديد

julanar
, Thu, 16 Jul 2009 10:59:35 +0200
مرحبا
اني عندي استشارة طبية
انو انا اعاني من حرارة بالقدمين وخاصة منطقة الاصابع حتى من البس الاحذية الصيفية او بالبيت
واذا اتغطى لازم اطلع رجلي من جوة الغطا
شنو السبب اني قريت بغير منتديات
انو السبب اما اعصاب متوترة او سكر او خلل بالدورة الدموية
اريد تشخيص صحيح لان حموت حررررررررررر
والاحذية موتتني
وحابة تشرحولي مشاكل القدمين بصورة عامة
لان اقدامي توجعني :)
وشكرا ودام المنتدى

daywalker
, Thu, 16 Jul 2009 11:42:48 +0200
هلو اختي أن شاء الله منقصر وياج
رح أدزلج بعض التفاصيل
وان شاء الله محلولة
تقبلي تحياتي اختنا وماكو غير العافية مقدما

BeSoOoOo
, Thu, 16 Jul 2009 14:30:12 +0200
ميه هلا بيك
رح أسأللك واردلك خبر
فد شكم يوم أن شاء الله اردلك الجواب
تحياتي من جديد


تسلم حبي

BeSoOoOo
, Thu, 16 Jul 2009 22:03:45 +0200
حبي لتعب روحك اليوم رحت للحارثية على ابو العوينات وشرحلي كلشي

شكرا حب

daywalker
, Fri, 17 Jul 2009 00:25:52 +0200
حبي لتعب روحك اليوم رحت للحارثية على ابو العوينات وشرحلي كلشي

شكرا حب


عيني تدلل ياورد سلامتك

DEAR BROTHER
, Sat, 18 Jul 2009 17:20:03 +0200
الس لام عليكم اذا ممكن اريد المساعدة في الموضوع التالي عندي تؤم بنات الان عمرهم 4 و3 اشهر بعد سنة من الولادة لاحضت واحدة منهم متاخرة عن اختها في النطق واتعبير عن الادرك المهم استمر التراجع حتى عمر سنتين عندما اتخذت القرار بمراجعة الاطباء وخصوصا بعد ما شفت حلقة برناج اوبرا عن التوحد ورأيت الحالات المعروضة تصرفاتهم مثل بنتي عموما بعد زيارة 4 اطباء نفسية حصلت على اربع اجابات مختلفة منها adhd وهو فرط الحركة مع تخلف عقلي الاخر قال ضمور بالدماغ استنادا الى اشعة mri ..الخ اخذتها لمستشفى الجامعة الامريكية في بيروت ومع اخصائية اععصاب اطفال روز ماري البستاني تبين عدم وجود ضمور بالدماغ في الاشعة وعملت تخطيط دماغ ومقابلة نفسية واختبار توحد وتبين عندها توحد متوسط وقالت الطبيبة لاعلاج طبي سوى التدريب منذ ذلك الوقت وانا اقرأ كل شىء عن التوحد واتابع كل ماهو جديد وتوجد الان علاجات طبية باستخدام الحمية والمكملات الغذائية وسحب المعادن واخرها العلاج بالاوكسجين كلها غير مثبتة علميا ومكلفة جدا وطبعا عندي فكرة كاملة عنها وعن تكلفتها وعناويين الاطباء الذين يؤيدون هذه العلاجات وكل معلوماتي عن طريق النت علما اني راسلت الطبيبة في بيروت وقالت عن هذه العلاجات بانها غير مجدية ولكنها ليست اما السؤال هو اني بحاجة لرأي ذو خبرة يشير علي احاول او لا بهذه الطرق خصوصا انه يعلم الله ليس لدي فلس زايد اذبه بلاش لان عندي 3 بنات اخريات انا اريد ان اعرف فقط اذا كان الدخول بهكذا طريق يستحق المحاولة يعني بيه امل والله ابيع البيت وامشي بيه لان ما تدري اشكد هذا الموضوع امدمرني ولك جزيل الشكر اذا قيمت لي هذه العلاجات علميا وعلى ارض الوقع لاني لا اثق كثيرا بمواقع اعلانية وتجارية

daywalker
, Sat, 18 Jul 2009 18:10:08 +0200
اهلا بيج اختنا dear brother بالمنتدى الطبي
رح أستفسرلج من زملائي اطباء النفسية
عندي اصدقاء في مستشفى ابن رشد وفي مدينة الطب
أن شاء الله حيكون الرد سريع باذن الله
للعلم لحد الان لم يتم التوصل الى نتائج مؤكدة بخصوص مرضى التوحد
وهناك نظريات عديدة ومواضيع متشعبة شتى
ولكن لايوجد شيئ مؤكد
بصورة عامة
هناك برامج التاهيل الفكري ومراكز تأهيل النطق
وهناك اصلا في الخارج كالمانيا مثلا مراكز طبية فتحت خصيصا لمرضى التوحد
مثل ماتحدثتي وماأريد اخليج تفقدين الامل
ومثل ماكالت الطبيبة اللبنانية فكلامها صحيح
القصص كلها نظريات وتجارب
ولا يوجد شيئ مؤكد على ارض الواقع
رح احاول ابحثلج عن بعض الكتب باللغة العربية عن مرض التوحد
هاي هم تفيدج
أضغطي هنا لمزيد من المعلومات عن المرض
معلومات عامة عن مرضى التوحد (http://ar.wikipedia.org/wiki/توحد)
دليل مرضى التوحد (http://www.updatejo.com/Autism.html)

تقبلي تحياتي

DEAR BROTHER
, Sun, 19 Jul 2009 09:31:50 +0200
جزيل الشكر لردك السريع واهتمامك بالموضوع ان شاء الله يارب تاخذ البورد بامتياز والله يبارك بيك واكون ممتنة اذا نزلت لي بعض الكتب حتى اذا كانت english يعني بلكي ادبرها شوية واترجم المصطلحات الطبية بس وما اريد اتعبك بس تسألي الاطباء عن افضل علاج لفرط الحركة بس ميكون من جماعة المنومات وجزاك الله خيرا

julanar
, Sun, 19 Jul 2009 11:26:19 +0200
وين الجواب على سوالي
واااااااااااااع

julanar
, Sun, 19 Jul 2009 11:33:39 +0200
هسة سوال ثاني
الانزلاق في فقرات العنق شنو الرياضة المناسبة الي اكدر اسويه ويفيد العلاج الطبيعي
لان رحت طبيب وانطلني ادوية
ومن عمان جابولي ولبست الياخة وصرت مضحكة وهمين ميفيد
اريد اروح علاج طبيعي
شنو نصيحتك دكتور
وشكرا

daywalker
, Sun, 19 Jul 2009 12:21:00 +0200
جزيل الشكر لردك السريع واهتمامك بالموضوع ان شاء الله يارب تاخذ البورد بامتياز والله يبارك بيك واكون ممتنة اذا نزلت لي بعض الكتب حتى اذا كانت english يعني بلكي ادبرها شوية واترجم المصطلحات الطبية بس وما اريد اتعبك بس تسألي الاطباء عن افضل علاج لفرط الحركة بس ميكون من جماعة المنومات وجزاك الله خيرا


تدللين اختي
عموما اللنكات اللي انطيتهن الج واللي موجودات بردي الأول كولش حلوات
ويتحدثن عن الموضوع بالتفصيل
شاملة كل التجارب والمحاولات وية المرض
وهية تكفيج
أما بالنسبة للادوية فمااكدر اوصفلج دوة معين
لان مثل هيجي حالات نحتاج تقييم خاص لكل حالة هاي اولا
وثانيا بصورة عامة الأدوية اللي هدفها تقلل من نشاط الطفل
يكون بيها نوع من الادوية المهدئة
لهذا تتوقعين هذا الشي يصير عند المريض
عموما اني استفسرلج مثل مكتلج باللي اكدر عليه
وياربي أتوفق بفد شي يفيدج
تحياتي وتمنياتي بدوام الصحة والعافية للجميع

daywalker
, Sun, 19 Jul 2009 12:26:00 +0200
هسة سوال ثاني
الانزلاق في فقرات العنق شنو الرياضة المناسبة الي اكدر اسويه ويفيد العلاج الطبيعي
لان رحت طبيب وانطلني ادوية
ومن عمان جابولي ولبست الياخة وصرت مضحكة وهمين ميفيد
اريد اروح علاج طبيعي
شنو نصيحتك دكتور
وشكرا


هلووووو اختي
بالنسبة للانزلاق في فقرات العنق منو مشخصة الج
هوة شوية هذا التشخيص صعب واحد يكوله
لأن هوة مو ببساطة يصير
قصدج يمكن سوفان في الفقرات العنقية
عموما اذا سوفان في الفقرات العنقية او انزلاق بيها
تحتاجين الياقة الطبية لمدة 3 اشهر على الاقل
ومتصيرين مضحكة صدكيني
هذا علاج مو فد شي عيب ابدا
طبعا حتلكين ماكو فائدة منها بالبداية بس لازم لازم تلتزمين بيها
نتائج الياقة الطبية تحتاج فترة طويلة
وبالنسبة للعلاج الطبيعي يقوي من عضلات الرقبة
كذلك يمنع تقدم المرض لكن ليس باهمية الياقة الطبية
كذلك فان العلاج الطبيعي يقلل من حالات الام الرقبة
كما هو الحال في مسكنات الالم
فهوة ينفع لكن مو معناها تتركين الياقة الطبية
واذا تركتيها فعلى مسؤوليتج
تحياتي وتمنياتي بدوام الصحة والعافية

daywalker
, Sun, 19 Jul 2009 23:10:32 +0200
جزيل الشكر لردك السريع واهتمامك بالموضوع ان شاء الله يارب تاخذ البورد بامتياز والله يبارك بيك واكون ممتنة اذا نزلت لي بعض الكتب حتى اذا كانت english يعني بلكي ادبرها شوية واترجم المصطلحات الطبية بس وما اريد اتعبك بس تسألي الاطباء عن افضل علاج لفرط الحركة بس ميكون من جماعة المنومات وجزاك الله خيرا


أختي وصلتني الاخبار
ومثل مكتلج
مريض ال adhd هوة تقريبا نفس مريض التوحد لكن حالة التوحد اسوأ
بصورة عامة أكو عقار جديد أسمه ال stratera مااعرف اذا هوة ياخذه لو لا
هذا العقار مدحوا بيه هواي
وأهم أعراضه الجانبية قليلة مقارنة بالأمفيتامينات وغيرها
لهذا هوة شوية أحسن بالنسبة للتاثير على الوعي
وهوة موجود باستشاريات النفسية
وطبعا يحتاج راي طبيب لاستخدامه

بالنسبة للعلاج فهو يتطلب معاهد تاهيلية بالنسبة للمريض
أضافة الى العقاقير
لان مثل هيجي مرضى يعتبرون من ذوي الاحتياجات الخاصة

أكو طبيب اختصاص امراض اطفال نفسية بمستشفى ابن رشد
هم يفيدج اسمه د. باسل اذا تريدين هم شوفيه
بلكت الله عنده اراء اخرى
واني متاكد حيفيدج مية بالمية

أكو خبر جدا حلو سمعته من حسن حظج وحيفرحج هواي
سمعت هذا الخبر من جماعتي بالسليمانية
وهم لكيته بعدين عالأنترنيت بالصدفة
هذا الخبر نصا :-
وأفتتح يوم الاثنين 6-7-2009 عدنان قادر وزير العمل والشؤون الاجتماعية في حكومة اقليم كردستان العراق
مركزا خاصا في اربيل للمصابين بمرض التوحد، في خطوة اعتبرها الوزير مساعدة لمعالجة هؤلاء الاطفال
هذا المركز تم افتتاحه قبل اسبوعين ومركز مرض التوحد هذا يعتبر هو الاول في المنطقة
بعد وجود مركز في دولة الامارات العربية المتحدة

هاي المعلومات اللي حصلتها لحد الان
وماكو شي جديد بعدها مية مية
ان شاء الله توفقت لفائدتج
واني اقترح تراجعون هذا المركز باربيل
أن شاء الله كفيت ووفيت وتوفقت لفائدتج

تحياتي

DEAR BROTHER
, Mon, 20 Jul 2009 11:10:13 +0200
اللهم ربي يفرحك بالدنيا والاخرة وسهل لك كل امورك ويحقق كل امانيك والله اني اصلي صلاة الليل يوميا ادعيلك ان شاء الله واذا احتاجيت دعوة خاصة بس اطلب وانا ممنونة منك جدا راح اخذ دانية لمستشى ابن رشد وافابل الطبيب واشوف فقط اذا ممكن ايميل مركز التو حد في اربيل ومع جزيل الشكر

daywalker
, Mon, 20 Jul 2009 11:44:23 +0200
اللهم ربي يفرحك بالدنيا والاخرة وسهل لك كل امورك ويحقق كل امانيك والله اني اصلي صلاة الليل يوميا ادعيلك ان شاء الله واذا احتاجيت دعوة خاصة بس اطلب وانا ممنونة منك جدا راح اخذ دانية لمستشى ابن رشد وافابل الطبيب واشوف فقط اذا ممكن ايميل مركز التو حد في اربيل ومع جزيل الشكر


أشكرج اختي والله اتمنى ان لا تحرميني من دعائج

هذا الخبر منقول من موقع القوات متعددة الجنسيات:-
(افتتاح مركز للتوحد في أربيل والسليمانية بدعم من المركز التخصصي لرعاية التوحد)

برعاية وزير العمل والشؤون الاجتماعية في إقليم كوردستان العراق، وبدعم مباشر من منظمة قنديل السويدية، وبالتنسيق مع الجمعية المتخصصة لرعاية التوحد في كوردستان "أي أس كاي أوتزم كوردستان"، تم بعون الله افتتاح مركز للتوحد في كل من محافظتي أربيل والسليمانية.

ويهتم المركز، الذي صـُمم على طراز المراكز المتقدمة بهذا المجال، برعاية وتأهيل أطفال التوحد، وهو مركز حكومي تابع لوزارة العمل في إقليم كوردستان العراق.

ولكون المركز يبتدئ خطواته الأولى والكادر الذي يعمل هناك يحتاج إلى العديد من الدورات العلمية للتعرف على عالم التوحد، فقد تم توجيه دعوة إلى مديرة المركز التخصصي لرعاية التوحد في العراق وأخصائية التوحد السيدة نبراس سعدون رضا لتقوم بتنظيم دورة متكاملة عن برامج التوحد. وعليه تم إجراء الدورة التي استمرت لمدة أسبوع تم خلالها منح المتدربين نسخا عن البرامج والمقاييس والاستمارات الخاصة بالتوحد كي يتمكن الكادر هناك من رفد الأطفال بما يتلاءم وحاجاتهم التعليمية والتدريبية لحين اندماجهم بالمجتمع .

وبطلب من المدير المسؤول عن مركز التوحد في أربيل، سيبقى هذا المركز خاضعا في هذه الفترة المرحلية لجميع الدورات التي سوف يقدمها المركز التخصصي لرعاية التوحد في العراق في المستقبل إلى كادر مركز أربيل.


http://www.mriraq.com/vb/imagehosting/589144a642d0c04af1.jpg

جانب من إحدى الدورات التدريبية التي يقدما المركز التخصصي لرعاية التوحد في العراق إلى كادر مركز التوحد في أربيل. وتغطي الدورة البرامج والمقاييس والاستمارات الخاصة بالتوحد كي يتمكن الكادر هناك من رفد الأطفال بما يتلاءم وحاجاتهم التعليمية والتدريبية لحين اندماجهم بالمجتمع

وفي نهاية المطاف، يتقدم المركز التخصصي لرعاية التوحد في العراق بالشكر إلى منظمة قنديل، التي رعت هذا الإنجاز الرائع الذي يخدم فئة التوحد، وكذلك إلى حكومة إقليم كوردستان التي كان لها الدور الأول في فتح وإنجاز هذا المشروع.

ويناشد المركز التخصصي لرعاية التوحد في العراق، الحكومة المركزية الرائعة السباقة إلى عمل الخير، الالتفات إلى شريحة أطفال التوحد وعوائلهم لفتح مشروع حكومي في بغداد والمحافظات الوسطى والجنوبية التي تعاني من عدم وجود مراكز متخصصة تعنى بالتوحد، خاصة بعد الانتشار الفظيع لهذا المرض .


أرقام هواتف المركز الاعلامي لمرضى التوحد في العراق

المركز التخصصي لرعاية التوحد في العراق

07901475042
07707724706


تمنياتي بالتوفيق وشفاء طفلتج
لا تحرمينا من دعائج اختي